Рой Хожсон: "Роналду бизга қарши ўйнаса яхши бўларди"

- Биз Бэйл ҳақида ўйлаётгандик. Роналду ўзи ўйнаган жамоаларда доимо катта ролни ўйнаган ва уларнинг ўйинларини сезиларли даражада кучайтира олган. Хусусан Португалия терма жамоаси ҳам Роналду билан янада кучли ва хавфли саналади. Ўйлашимча, Роналду бизга қарши ўйнамайди. Бэйл билан Роналдунинг ўйини бир-бирига ўхшаб кетади. Шу боис Роналду ўйнаганида, биз баъзи нарсаларни синаб кўрардик. Португалия билан ўртоқлик учрашуви ўтказишимизнинг асосий сабабларидан бири уларда алоҳида кучли ва етакчи футболчилар бор. Шу боисдан ҳам ушбу баҳс биз учун мусобақа олдидан яхшигина текширув учрашуви бўлади. Австралия ва Туркияга қарши буллашувларда ўзим учун тегишли хулосаларга эга бўлдим. Бу учрашувлар терма жамоамиз учун жуда керакли бўлди. Энди Португалия билан бўладиган ўйин жиддий текширув вазифасини ўтаб беради.