Роналду Пеле ҳақида: "Шунчаки "хайр" сўзи футбол оммаси чекаётган қайғуни ифодалай олмайди"
30 dec 2022 00:40
News

Роналду Пеле ҳақида: "Шунчаки "хайр" сўзи футбол оммаси чекаётган қайғуни ифодалай олмайди"

Криштиану ҳам футбол афсонасининг ўлимига ўз ҳамдардлигини билдирди.

Портагулия терма жамоаси футболчиси Криштиану Роналду ўз инстаграм саҳифасида яқиндагина вафот этган Пелени хотирлади.

"Бразилияга чуқур ҳамдардлигимни билдираман, айниқса Пеленинг оиласига. Шунчаки ёзилган "хайр" сўзи футбол оммаси чекаётган қайғуни ифодалай олмайди.
Миллионлаб инсонлар учун Пеле завқланиш ва илҳомланиш манбаи эди. У ҳеч қачон унутилмайди. Ҳар бир футбол ишқибози қалбида Пеле мангу яшайди", -деб ёзади Криштиану Роналду.