Ричард Фрайдей: "Пахтакор" дарвозабонига босим ўтказишга ҳаракат қилдим ва нимадир содир бўлиши мумкинлигини сездим"
12 aug 10:20
News

Ричард Фрайдей: "Пахтакор" дарвозабонига босим ўтказишга ҳаракат қилдим ва нимадир содир бўлиши мумкинлигини сездим"

Суперлиганинг 18-туридан жой олган "Динамо" – "Пахтакор" (1:1) учрашувидан сўнг мезбонлар ярим ҳимоячиси Ричард Фрайдей ўз фикрлари билан ўртоқлашди.

"Икки рақиб ўртасида яхши ўйин бўлди. Ўйин мувозанатини сақлашга ҳаракат қилдик, аммо афсуски, ғалабани қўлдан чиқардик. Ўйинни бой бергандан кўра, очко қўлга киритиш афзалроқ. "Пахтакор" ҳам ғалаба учун катта таваккал қилмасдан очко олишни маъқул кўрди, лекин ушбу учрашув биз учун яхши ўтди. Ҳар ҳолда, ютқазиш яхши бўлмасди.

Гол бўлган вазиятда шунчаки "Пахтакор" дарвозабонига босим ўтказишга ҳаракат қилдим ва нимадир содир бўлиши мумкинлигини сездим, кейин эса мен кутган ҳодиса юз берди. Мен фақатгина унга прессинг қилишга уриндим", деди нигериялик футболчи.

Эслатиб ўтамиз, Фрайдей учрашувнинг 19-дақиқасида "Пахтакор" дарвозабонининг тўпга чиқишда йўл қўйган қўпол хатосидан унумли фойдаланиб, ҳисобни очганди.

ИНТЕРВЬЮ ВИДЕОСИ

Link :

Source : championat.asia

Receive latest football news directly on your phone. Subscribe for our Telegram channel!

Rating: +1