"Ретро футбол": Станковичнинг Нойерни уялтирган зарбаси (4-сон)
05 apr 2021 20:47
News

"Ретро футбол": Станковичнинг Нойерни уялтирган зарбаси (4-сон)

Championat.asia эътиборингизга ҳавола қилаётган "Ретро футбол" рукнидан аллақачон тарихга айланган, аммо ҳар бир футбол мухлисига завқ бағишлайдиган видеолавҳалар жой олади.

Миланнинг "Интер" клуби Европа Чемпионлар Лигасининг 2010-2011 йилги мавсумини 1/4 финалда якунлаган эди. Ўшанда "нерадзуррилар" "Шальке" тўсиғидан ўта билмаган. Мазкур жамоалар ўртасидаги 1-баҳс 5 апрель куни "Жузеппе Меацца" ўтказилган ва унда гельзенкирхенликларнинг қўли баланд келган (5:2).

Голларга бой ўтган ўйиннинг илк дақиқасидаёқ ҳисоб очилган. "Интер" вакили Деян Станкович немислар дарвозасини майдон марказидан ишғол қилганди. "Шальке"нинг мавсум якунида "Бавария"га кўчиб ўтадиган посбони Мануэль Нойер ўша куни бутун фаолияти давомидаги энг чиройли голлардан бирини ўтказиб юборган эди.

Марҳамат, Станковичнинг ажойиб голини яна бир бор томоша қилиб, эсланг.