"Ред Буллз" футболчиси Дру Ервуд трибуна томон тўп тепиб, мухлисларни жароҳатлагани учун четлатилди
05 sep 2022 20:38
News

"Ред Буллз" футболчиси Дру Ервуд трибуна томон тўп тепиб, мухлисларни жароҳатлагани учун четлатилди

"Нью-Йорк Ред Буллз" ярим ҳимоячиси Дру Ервуд "Филаделфия"га қарши ўйинда (2:0) икки мухлисни беихтиёр жароҳатлаб қўйгани учун қизил карточка олди.

Якшанба куни бўлиб ўтган МЛС тўқнашувининг сўнгги дақиқаларида ҳафсаласи пир бўлган Ервуд ён чизиқ яқинида қўполлик ишлатди.

Бироз вақт ўтгач, футболчи тўпни трибунага тепиш орқали реакция билдирди, оқибатда "Ред Булл Арена"даги баъзи мухлисларга кучли зарба бориб тегди.

Ервуд шундан сўнг трибунага келиб, улардан узр сўрамоқчи бўлди, аммо бошқа мухлис уни жабрланганлар ёнига йўлатмади. Ҳимоячи эса қизил карточка билан жазоланди. Камерада кўринишича, тўп бир қиз ва бир ёш болага теккан.

Футболчи ушбу воқеадан сўнг ижтимоий тармоқда улардан узр сўради ва қилган ишидлан афсусда эканлигини тан олди.

Link :

Source : ESPN

Receive latest football news directly on your phone. Subscribe for our Telegram channel!

Rating: