Latest news

20:45Ўзбекистон Кубоги. "Пахтакор" – "Олимпик-MobiUz", "Хоразм" – "Навбаҳор"  7 20:43"Атлетико" Баэнани "Вилярреал"дан 45+5 миллион еврога сотиб олди  0 20:40"Динамо" – "Нефтчи" 0:1 (матнли трансляция)  10 20:35Осиё Кубоги саралаши. Лаос - Ўзбекистон (онлайн ҳисоб)  1 20:19Расман: "Челси" 60 миллион фунтлик трансферни амалга оширди  0 18:50Куртуа Трент ҳақида: "Унинг жарима зарбалари ва бурчак тўплари – бошқа даражада, бундай техникaни ҳеч қачон кўрмаганман"  2 18:27Эшитдик-да! Шацких "Пахтакор"дан икки андижонлик футболчини "Андижон"га олиб келмоқчи  16 17:49Клублар ўртасидаги Жаҳон чемпионатида қайси жамоа ғолиб бўлади? Opta жавоб берди  12 17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  3 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  1 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  4 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  10 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  6 12:40Ла Лига раҳбари Тебас клублар ўртасидаги ЖЧ ҳақида: "Бу турнир бошқа ўтказилмаслиги учун қўлимдан келган барча ишни қиламан"  11

"Реал", "Юве", "Челси". Аргентиналик "Пипита" ҳозир қаерда? News

"Реал", "Юве", "Челси". Аргентиналик "Пипита" ҳозир қаерда?

Ўтмишда мухлисларнинг диққат марказида бўлган, аммо сўнгги пайтларда катта саҳнадан бироз чекинган футбол кишилари ҳақида маълумот берувчи рукнимиз давом этади.

Альфредо Ди Стефано, Омар Сивори, Клаудио Каниджа, Ариэль Ортега, Эрнан Креспо, Пабло Аймар, Хавьер Савиола, Маскерано — катта номлар, шундай эмасми?

Эътиборли жиҳати, юқорида саналган юлдузларнинг барчаси катта футболдаги қадамини бир жамоада қўйган — "Ривер Плейт". Буэнос-Айрес клуби асримиз аввалида футбол осмонини яна бир юлдуз билан бойитди.

Гонсало Игуаин. 2005 йил "Ривер Плейт"да порлаган 18 ёшли йигитчанинг Аргентинада узоқ қолмаслиги аниқ эди. ОАВ бўлажак юлдузнинг тез орада "Милан", "Лацио", МЮ ёки "Челси"га ўтиши ҳақида бонг ура бошлади. Бироқ, 2007 йилнинг январида "Реал" президенти Рамон Кальдерон матбуот анжумани уюштириб, йиғилган журналистларни ўзбек халқ мақоли билан таништирди: "Югурганники эмас — буюрганники".

Ҳа, кечагина океаннинг нариги томони ҳақида ширин хаёллар сурган йигитча бугун дунёнинг энг катта жамоасида, афсоналар қуршовида эди.

Гонсало Мадридда йўқолиб қолмади. 5 йил давомида "қаймоқранглилар" таркибида 264 ўйин ўтказган форвард 121 гол, 56 ассистга муаллиф бўлди.

У бундан ҳам кўпроқ ўйнашни истарди. Бироқ, асосий рақобатдоши (Карим Бенземага) яқин 10 йилда асосий таркибни ҳеч кимга бермаслигини англади ва Неаполга отланди.

"Наполи"да ўтган 3 йил аргентиналик ўйинчи учун учун идеал бўлди. 146 ўйин, 91 гол, А Серия тўпурарлиги — қисқаси, нималарга қодирлигини бутун оламга исботлади.

Биласиз, Туринда бир "кекса синьора" бор. Италияда порлаган юлдузларни ўзига шайдо қилади. Игуаин билан ҳам бу воқеа такрорланди. Унинг трансфери "Юве" учун 90 млн (!) еврога тушди.

Кейин Милан ва Лондон ҳавосидан ҳам нафас олиб кўрди.

Бироқ, сўнгги йилларда голларига нисбатан ортиқча вазни ҳақидаги гап-сўзлар кўпайганини илғагач, океаннинг нариги томонига қайтишга қарор қилди.

Гонсало айни пайта Дэвид Бекхэмга тегишли "Интер Майами" клубининг асосий юлдузи ҳисобланади. 33 ёшли "Пипита"нинг жамоа билан амалдаги шартномаси 2022 йилнинг охирига қадар амал қилади.

10 та позицияда ўйнай оладиган Урби Эмануэлсон ҳозир қаерда?

Author :
Rating: +9   

Comments

championat.asia
< show latest news
Яндекс.Метрика