"Реал" 2013 йилда Левандовскига шартнома таклиф қилган эди. Битимнинг шартлари билан танишинг

Ўша пайтда Дортмунднинг "Боруссия"сида ўйнаб юрган польяк "Бавария" билан оғзаки келишувга эришиб бўлган эди. 

"Қаймоқранглилар" Хосе Анхель Санчес ва Мануэль Редондо томонидан таклиф қилинган битим 6 йилга мўлжалланган эди: 2014 йилнинг июлидан 2020 йилнинг июнига қадар.

Левандовски шартномани имзолашга рози бўлганида маҳаллий солиқлар билан қўшиб ҳисоблаганда 10,9 млн евро бонусга эга бўларди. Бундан 1,9 млн ўйинчига дарҳол тақдим қилиниши, пулнинг қолган қисми шартноманинг ҳар йили учун 1,5 млн евродан тўлаб борилиши керак эди. Робертга солиқларни ҳисобга олган ҳолда 8,6 млн евро йиллик маош таклиф қилинган.

Шунингдек, битимда футболчи учун бир нечта шартлар ҳам бўлган: Левандовски мотоциклда юриши, моторли қайиқда сайр қилиши, парашютдан сакраши ва тоғга чиқиш машқларини бажариши тақиқланган.