Равшан Ҳайдаров: "Тур рамзий терма жамоасини бериб борилиши мухлислар учун қизиқарли бўлмоқда"

Унга кўра, рамзий терма жамоанинг бош мураббийи Равшан Ҳайдаров бўлди. Шу муносабат билан "Динамо" бош мураббийининг бу борада фикрларини эшитдик.  

- "Championat.asia" сайтини энг фаол сайтлардан бири деб биламан. Футболимиз янгиликлари ва умуман миллионлар ўйинидаги янгиликларни ўқувчиларига тезкорлик билан етказиб турадиган сайтлардан эканлигига шубҳа йўқ. Алабтта сайт ижодкорларининг тур рамзий терма жамоаларини ва бошқа яна бир қатор сўровномалар ўтказиб келаётгани мухлислар учун қизиқарли бўлмоқда.

- Умид қиламизки, бундан кейин ҳам сайт футбол янгиликларини тезкорлик билан мухлисларга етказиб беради ва янги лойиҳаларни жорий этиб юқори даражага кўтарилади.

- Тур рамзий терма жамосидан ўрин олишим ҳақида бир нима дейишим қийин. Журналистлар мени шунга муносиб кўрибдими демак ҳақиқатдан ҳам шунақа. Албатта бунга сафарда "Андижон" устидан эришилган ғалабамиз туртки берган. Умуман олганда чемпионатнинг бошланиши биз учун омадли бўлди. Бундан кейин ҳам янада ўйинимизни кучайтиришимиз керак. Ҳар бир клубда ўсиш бўлаверади. Майдонларнинг ҳолати ҳам яхшиланиб бораверади. Кимнинг нимага қодирлигини кейинги турларда ҳам билиб олиш мумкин.

Исломбек Рустамбеков.