Latest news

14:57"Ал Иттиҳод" Педро учун 35 миллион евро таклиф қилди  0 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  8 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  15 11:56Тимур Кападзе Паулу Бенту ҳақида фикр билдирди  30 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1

Рауф Инилеев: "Эктор Куперга вақт керак" News

Рауф Инилеев: "Эктор Куперга вақт керак"

Осиёнинг 2007 йилдаги энг яхши мураббийи Рауф Инилеев кеча бўлиб ўтган Ўзбекистон - Сурия ўртоқлик учрашуви ҳақида ўз фикрларини билдирди.

- "Кеча терма жамоамиз янги бош мураббийи Эктор Купернинг биринчи ўйини бўлди. Мен ҳам мураббий сифатида кечаги беллашувдан ўзим учун янгилик олдим. Шунингдек, баъзи футболчиларнинг ҳаракатлари ҳам маъқул келди. Масалан, Сардор Рашидов бошқаларга нисбатан бирмунча ажралиб турди. Аксар хавфли вазиятлар айнан у орқали юзага келтирилди. Сардорнинг ўзи ҳам гол уриши мумкин эди". 

- "Иван Нагаевни қулай вазиятга чиқарган ҳам Рашидов бўлди. Футболчиларимиз бу ўйинда стандарт вазиятларни яхши бажаришди. Гол ҳам пенальтидан киритилди. Ҳимояда Анзур Исмоилов яхши ҳаракат қилди. Дарвозабон Игнатий Нестеров эса алоҳида мақтовга лойиқ. Агар у бўлмаганида ютқазиб қўйишимиз ҳам мумкин эди". 

- "Лекин кеча жамоавий ўйин яхши чиқмади. Бу энди вақтга боғлиқ масала. Шу ўринда Куперни ҳам тўғри тушуниш керак. Унинг қўлидаги рўйхатда 40га яқин футболчи бор ва у ҳаммани синаб кўришни хоҳлаяпти. Албатта, Одил Аҳмедов, Виталий Денисов каби ўйинчилар синовга муҳтож эмас, лекин бошқаларни синаб кўриш керак". 

- "Менга жамоавий ўйин томонлама Сурия термаси яхшироқ кўринди. Албатта, мухлисларни ҳам тўғри тушунамиз. Улар Купернинг дебют ўйинидан ғалаба кутишганди, аммо шу ўринда бироз кутишга тўғри келади. Ҳозирча янги мураббийга вақт керак. У ўзбек футболини энди ичкаридан ўрганяпти. Менимча, Купер Эрон билан баҳсгача бу ўйинни чуқур таҳлил қилади ва кейинги беллашувда янада кучли таркибни туширади".

Х.Холиқов ёзиб олди.

Rating: +23   

Comments

championat.asia
< show latest news
Яндекс.Метрика