Расмий хабар: Роббен футболга қайтди!
27 jun 2020 21:55
News

Расмий хабар: Роббен футболга қайтди!

Нидерландиялик футбол юлдузи фаолиятини ўз ватанида қайта тиклашга қарор қилди.

У Эредивизи вакили “Гронинген” аъзосига айланди. Роббен профессионал футболга айнан мазкур клуб таркибида 2000 йил қадам қўйган.

Қайд этилишича, у бир неча ҳафта мобайнида клуб базасида машғулот ўтказган. Нидерландиялик билан келишув эса бир йилга тузилгани айтилмоқда. Эртага, 28 июнь куни “Гронинген” 36 ёшли ярим ҳимоячи иштирокида матбуот анжумани ўтказади.

Эслатиб ўтамиз, Нидерландия чемпионатининг жорий мавсуми пандемия туфайли муддатидан олдин тугатилди. Роббеннинг янги жамоаси эса жадвалда 9-ўринни эгаллаб, еврокубоклардан четда қолган.