Расмий хабар: Игорь Сергеев - "Тобол" футболчиси
19 jul 2021 13:41
News

Расмий хабар: Игорь Сергеев - "Тобол" футболчиси

Ўзбекистон терма жамоаси ҳужумчиси Игорь Сергеев фаолиятини Қозоғистон чемпионати пешқадами "Тобол" сафида давом эттиради.

Бу ҳақда "Тобол" клуби расмий сайти хабар берди.

Championat.asia сайти маълумотига кўра, Костанай клуби Сергеевни "Актобе"дан сотиб олди ва мавсум охирига қадар шартнома тузди.

Ҳамюртимиз "Тобол" сафида 77-рақамда ўйнайди. Сергеев янги клуби сафида дебютини 22 июль куни ўтказиши мумкин. Шу куни "Тобол" Европа Конференция Лигаси саралаш босқичи доирасида Хорватияда Сплитнинг "Хайдук" клубига қарши ўйнайди.