Расман. “Эвертон” ҳужумчиси Деулофеу ижара асосида “Милан”га ўтди

Бу маълумотни ҳар икки клуб расмийлари ҳам тасдиқлашди. Келишув мавсум сўнггига қадар амал қилади, деб хабар бермоқда “Эвертон” клуби матбуот хизмати.

Маълумот учун, “Милан” клуби жума куниёқ Херарднинг Италияга ижара асосида ярим йилга келаётгани ҳақида хабар тарқатганди. Лекин бир муддат ўтиб, клуб расмий Твиттеридаги бу хабар олиб ташланган эди.

Эслатиб ўтамиз, 22 ёшли футболчи жорий мавсум Англия Премьер-лигасида “Эвертон” либосида 11та учрашувда майдонга тушган. Лекин бор йўғи 4та ўйинда у бошланғич таркибда учрашувни бошлаган. Рақиб дарвозасини эса ишғол қила олмаган.