Расман: "Ал Ҳилол" "Порту" футболчисини ўз сафига қўшиб олди
10 may 2021 09:32
News

Расман: "Ал Ҳилол" "Порту" футболчисини ўз сафига қўшиб олди

"Порту" форварди Мусса Марега Саудия Арабистонининг "Ал Ҳилол" клуби билан шартнома имзолади.

Бу ҳақда клуб расмий сайти хабар бермоқда. Марега жамоадаги Бафетимби Гомис, Себастьян Жовинко ва Лусиано Вьетто каби юлдузлар билан бирга ўйнайди.

Марега клуб билан 3 йиллик шартнома имзолади ва йилига 5 миллион евро маош олади.

30 ёшли малилик футболчи Португалия клубида 2017 йилнинг ёзидан бери тўп тепади. Футболчи жорий мавсум 45та ўйинда майдонга тушиб, 12та гол ва 5та ассист қайд этди.