Расман: АГМК Суперлигада ёзнинг энг "қайноқ" трансферини амалга оширди

"Ўтган мавсумдан эътиборан фаолиятини Ўзбекистон чемпионатида давом эттирган ва "Қизилқум"да ўйнаган грузиялик иқтидор соҳиби Элгужа Григалашвили билан клубимиз шартнома имзолади.

АГМК футбол клуби "Қизилқум"дан Элгужа Григалашвилининг трансфери ҳуқуқини сотиб олди.

Иқтидорли ҳужумкор вингер эндиликда жамоамиз шарафини ҳимоя қилади.

Мавсумнинг иккинчи қисмидан бошлаб Григалашвили жамоамиз учун қатор голлар муаллифига айланишини тилаймиз!  АГМК оиласига хуш келибсан, Элгужа!", - дейилади АГМК клубининг телеграмдаги расмий каналида.

Маълумот ўрнида:

Элгужа Григалашвили

Туғилган санаси: 30.12.1989

Позицияси: ҳужумкор вингер

Миллати: Грузин

Бўйи: 178

Оёғи: ўнг 

Ўйнаган жамоалари: "Динамо" Тбилиси, "Динамо" Батуми, "Мерани", "Чихура", "Отеллос", "Пафос", "Этникос", "Қизилқум", АГМК