Рамос ўз аккаунтларидан "Реал" футболчиси экани ҳақидаги қайдларни ўчириб ташлади

Футболчининг Мадрид клуби билан тузган шартномаси ўз ниҳоясига етди.

Эслатиб ўтамиз, 16 июнь куни "Реал Мадрид" Рамос билан хайрлашганини эълон қилган эди. Томонлар янги шартнома борасида келиша олишмаган.

Рамос "Реал"га 2005 йилда "Севилья"дан кўчиб ўтганди. Унинг ҳисобида Мадрид либосидаги 450 ўйин ва 72 гол мавжуд. "Реал" сафида у 5 марта Испания чемпионлигини қўлга киритган, икки бор мамлакат Кубогини кўтариб, 4 марта ЕЧЛ ва Клублар ўртасидаги жаҳон чемпионати кубогига эга чиққан.