Рамос "Барса" билан ўйинда гол уришни жуда қаттиқ хоҳлаганди — у ғалаба тўпини киритди. Бироқ...

"Барселона" ва "Севилья" беллашуви кўпчилик томонидан Серхио Рамоснинг азалий рақибга қарши яна бир "жанги" сифатида ҳам кутилганди. Футболчининг ўзи ҳам интригани ошириш мақсадида қуйидагича фикр билдирганди: "Умид қиламанки, "Севилья"га қайтганимдан кейинги илк голимни "Барса" билан ўйинда ураман. Голни қандай нишонлашни ҳам ўйлаб қолдим ва бу барча учун ёқимли бўлар эди".

Серхио чиндан гол уришни уддалади, қўшимчасига у киритган тўп – ғалабани таъминлади. Бироқ... Бу гол ўз клуби дарвозасига урилганди. Беллашувнинг 76-дақиқасида "Барселона"нинг ёш иқтидори Ламин Ямаль қанотдан тўпни жарима майдончаси томон йўллади, Рамос эса беўхшов ҳаракати билан тўпни дарвозага буриб юборди. Дарвозабон бу вазиятда бир нима қилишга ожиз эди.

● Бу Серхио Рамоснинг Ла Лигадаги бор йўғи учинчи автоголи. Бунгача у ҳали "Реал"далигида автоголлар урган – қизиғи, ҳар икки сафар ҳам рақиб "Севилья" бўлганди.

● Рамос фаолияти давомида "Барселона"га 5 та гол урган – бу ҳимоячи фаолиятидаги учинчи натижа. Каталонияликлардан кўпроқ Серхиодан "Атлетик" ва "Атлетико" (6 тадан гол) ва "Севилья" (7) азият чеккан.

● Рамос "кўк-анорранглилар"га қарши 48 бор майдонга тушган – фаолиятида энг кўп дуч келган рақиб.

Яна бир эътиборга лойиқ сюжет: автоголга узатмани 16 ёшли Ламин Ямаль етказиб берди. "Барселона" вундеркинди 2016 йил "Эл Класико"да иштирок этган – ўйин аввалида футболчилар билан бирга ёш болакайлар майдонга тушадику. Ўшанда майдонга уни айнан Серхио Рамос бошлаб тушганди. Эндиликда Рамос ва Ямални голли комбинация ҳам бирлаштириб туради.

Серхионинг голи Хави жамоасига мавсумдаги 9-ўйинда 7-ғалабани тақдим этди. Дам олиш кунларини "Барселона" Ла Лига етакчиси сифатида қарши олади, лекин бугун "Жирона" ҳам, "Реал" ҳам рақибига етиб олиши ва қувиб ўтиши мумкин – рақобатчилар ўзаро рўбаро келади.

Girona

LaLiga . Round 8 30/09/2023, 22:30 3 : 0 Finished

Real Madrid Joselu - 17', Aurelien Tchouameni - 21', Jude Bellingham - 71'

Stadium: Estadi Municipal de Montilivi, 14184 spectators

Referee: Juan Luis Pulido

45'

90'

46'  Viktor Tsigankov (Valery Fernandez)

60'  David Lopez (Cristian Portu)

60'  Artem Dovbyk (Cristhian Stuani)

64'  Eric Garcia

79'  Savinho (Pablo Torre)

87'  Yangel Herrera (Jhon Solis)

90'  Cristhian Stuani

17'  Joselu

17'  Jude Bellingham

21'  Aurelien Tchouameni

21'  Toni Kroos

68'  Vinicius Junior (Rodrygo)

71'  Jude Bellingham

71'  Joselu

74'  Jude Bellingham (Daniel Ceballos)

84'  Kepa Arrizabalaga

87'  Joselu (Lucas Vazquez)

87'  Federico Valverde (Brahim Diaz)

90'  Nacho Fernandez

90'  Nacho Fernandez

90'  Antonio Ruediger

Open in Match Center

Омонжон Тўхтамирзаев