Ральф Рангник: "Мидлсбро"нинг голи ҳисоблангани хато бўлди"
05 feb 2022 13:59
News

Ральф Рангник: "Мидлсбро"нинг голи ҳисоблангани хато бўлди"

"Манчестер Юнайтед" бош мураббийи Ральф Рангник Англия Кубоги 4-босқичида "Мидлсбро"га бой берилган (1:1, 7:8 по пенальти) ўйин ҳақида гапирди.

"Биз, айниқса биринчи бўлимда, жуда кўп имкониятлардан фойдалана олмадик. Танаффусга 3:0 ҳисобида чиқиб кетишимиз мумкин эди.

Иккинчи бўлимда ҳам қатор вазиятлар яратдик. "Мидлсбро"нинг голини ҳисоблаб бўлмасди. Ҳакамлар хато қилишди. Гол ўтказиб юборганимиздан кейин ҳам бир нечта яхши имкониятга эга бўлдик.

Брунунинг вазиятини пенальтига тенглаштириш мумкин, шундай экан, бунчалик кўп вазиятни кўкка совурганимиз учун фақат ўзимиздан хафа бўлишимиз зарур.

Оқибатда, барчаси пенальтилар сериясида ҳал бўлди, бу ерда барчасини омад ҳал қилади. Биз ютқаздик ва жуда хафамиз", – деди Рангник.