Рафинья Саудия Арабистонидан келган таклиф ҳақида: "Мен уни ўтган йили қабул қилган бўлардим. Ўшанда руҳан эзилган эдим, бу пуллар эса оилам ҳаётини бутунлай ўзгартириб юборган бўларди"

"Менга Саудия Арабистони таклифи ҳақида хабар беришди ва тўғрисини айтсам, мен жуда ҳайратда қолдим, чунки рақамлар жуда юқори эди.

Агар бу таклифни ўтган йили олганимда, уни қабул қилган бўлардим деб ўйлайман. Ўша пайтда руҳан эзилган эдим ва бу таклиф менинг ҳаётимни, шунингдек, рафиқам ва оиламнинг ҳаётини бутунлай ўзгартириб юборган бўларди. Бунинг аксини даъво қилган одам ёлғон гапиради. Бундай рақамларни кўриш ва улар ҳаётингизни бутунлай ўзгартириб юбориши мумкинлигини ўйламаслик мумкин эмас.

Ўйлайманки, Европада ҳали қиладиган ишларим кўп. Мен ҳали ҳам "Барса"нинг муваффақиятларига катта ҳисса қўша оламан ва бу менга терма жамоа шарафини ҳимоя қилишда давом этиш имконини беради. Айнан шу нарса мени пул ҳақида унутишга ва орзулар сари очиқроқ бўлишга мажбур қилди", - деди "Барселона" вингери.