Қозоғистондагилар "Реал" билан ўйин чиптаси билан боғлиқ фирибгарликлардан хавотирда

"Ҳуқуқ-тартибот идоралари ходимлари чипталарни фақат расмий кассалардан ва лицензияга эга дистрибюторлардан сотиб олишни қатъий тавсия қилади. Ижтимоий тармоқлар ёки мессенжерларда олдиндан тўлов талаби бўлган ҳар қандай шубҳали таклифлар огоҳлантириш белгиси бўлиши керак", – дейилади ИИВ хабарида.

"Биз Олмаота аҳолиси ва меҳмонларини огоҳлантирамиз: бўлажак ўйинга қизиқиш ортган сари фирибгарлик схемалари хавфи ҳам ортади", – дейилади огоҳлантиришда.

Аввалроқ Қозоғистон туризм ва спорт вазири Ербол Мирзабосинов Чемпионлар Лигасининг умумий босқичига доирасидаги "Қайрат" – "Реал" ўйинига 4-5 минг сайёҳ келишини маълум қилганди.

Учрашув 30 сентябрь куни бўлиб ўтади. "Қайрат" илк бор Чемпионлар Лигасининг асосий босқичида иштирок этади. Қозоғистон жамоаларидан фақат "Остона" 2015 йилда буни уддалай олган.