Қобулжонов, Хосинов ҳамда Жасур Ҳасанов “Бухоро”да
11 jan 2020 17:57
News

Қобулжонов, Хосинов ҳамда Жасур Ҳасанов “Бухоро”да

Муҳсин Муҳаммадиев бошқарувидаги “Бухоро” жамоаси бугун Муборак шаҳрида “Машъал” жамоасига қарши синов-назорат учрашувини ўтказди.

Таркибга эътибор қаратадиган бўлсак, бир қатор янги футболчиларни кўриш мумкин.

Хусусан ўтган мавсум “Сурхон”да ўйнаган дарвозабон Сардор Қобулжонов билан Азамат Алланиязов айни дамда бухороликларнинг ўқув-йиғин машғулотларида иштирок этмоқда. Мухлисларга яхши маълумки, Қобулжонов яқин-яқингача “Андижон” сафида шуғулланаётганди. Бироқ у кейинчалик қарорини ўзгартириб, собиқ жамоасига қайтди.

Бундан ташқари 2019 йилги мавсумни “Андижон”да ўтказган ҳимоячи Аброр Хосинов ҳамда “Қўқон-1912” билан хайрлашган ўнг қанот ярим ҳимоячиси Жасур Ҳасанов бугунги кунда “Бухоро” ўқув-йиғинида иштирок этаётганини кўриш мумкин.