"Қизилқум" ва "Локомотив" собиқ ҳужумчиси Москва клубига ўтди
30 jul 2021 14:11
News

"Қизилқум" ва "Локомотив" собиқ ҳужумчиси Москва клубига ўтди

Миллий футбол лигаси (МФЛ) иштирокчиси Москванинг "Велес" клуби таркибини никарагуалик ҳужумчи Ариагнер Смит билан тўлдирди.

22 ёшли ўйинчи рус жамоасида ижара асосида ўйнайди, битим жорий мавсум сўнггига қадар мўлжалланган.

Смитнинг трансфер ҳуқуқи Юрмаланинг "Спартак" клубига тегишли. Ҳужумчи бунга қадар Ўзбекистоннинг "Қизилқум" ва "Локомотив" клублари шарафини ҳам ҳимоя қилган.

Эслатиб ўтамиз, яқинда Бекободнинг "Металлург" клубини тарк этган ҳимоячи Евгений Макеев ҳам "Велес"га ўтганди.