"Қизилқум" собиқ футболчисига "яхшигина пул" тўлаб бериши керак
22 apr 21:15
News

"Қизилқум" собиқ футболчисига "яхшигина пул" тўлаб бериши керак

Тошкентда ўз офисини очаётган "Sila" юридик компанияси "Инстаграм"даги саҳифаси орқали "Қизилқум" ҳамда жамоа собиқ футболчиси Марко Симоновски ўртасида очилган иш ҳақида маълум қилди.

ФИФАнинг низоларни ҳал қилиш палатаси Симоновскининг товон пулини тўлаш ҳамда берилмаган мукофот пулларини ундириш талабини қаноатлантирди.

"Қизилқум" Симоновскига тўлайдиган пул миқдори маълум эмас, аммо "Championat.asia" маълумотига кўра, гап "яхшигина маблағ" ҳақида кетмоқда, чунки Марконинг навоийликлар билан шартномаси 2024 йилнинг охиригача тузилган эди. "Қизилқум" Симоновскига берадиган пулларини 23 майгача тўлаши (қарордан сўнг 45 кун ичида) керак.

Марко Симоновски ўтган йилнинг ёзида "Қизилқум"га ўтган эди. 32 ёшли шимолий македониялик форвард бу вақт ичида 8та учрашувда иштирок этди.

Link :

Source : championat.asia

Receive latest football news directly on your phone. Subscribe for our Telegram channel!

Rating: -2