“Қизилқум”: мухлисларни стадионга чорлаймиз!

Мавсум якунланишига тўртта тур қолди. Жамоамизнинг турнир жадвалидаги ҳолатидан келиб чиқадиган бўлсак, қолган  учрашувлар “Қизилқум” учун муҳим аҳамиятга эга.  Шу сабаб жамоамизнинг ашаддий ишқибозларини, навоийлик мухлисларни ушбу беллашувларда севимли жамоамизни  бевосита стадиондан  қўллаб-қўвватлашга чақирамиз. Зеро мухлисларнинг далдаси, ишончи футболчиларимизга қўшимча руҳ бағишлашига шубҳа йўқ. Қолаверса, Ёшлар спорт мажмуасида ўтадиган сўнгги ўйинларга кириш  БЕПУЛ.

Барча мухлисларни 4 ноябрь, шанба куни “Қизилқум”-“Динамо” учрашувида кутамиз. Ўйин соат 17:00 да бошланади.

Шаҳриддин Ишназаров,
“Қизилқум” ФК ишқибозлар клуби етакчиси.