ПСЖ Муҳаммад Салоҳга Европадаги энг кўп маош олувчи ўйинчи бўлишни таклиф қилмоқда

Парижнинг ПСЖ клуби раҳбарияти Килиан Мбаппедан кейин жамоага янги лидер олиб келишни мақсад қилган. El Nacional берган маълумотларга кўра, парижликлар раҳбари Носир Ал Ҳелайфи жамоанинг янги етакчиси сифатида Муҳаммад Салоҳни кўрмоқда. 

Салоҳнинг "Ливерпуль" билан амалдаги шартномаси шу мавсум охирида ўз якунига етади. Футболчи клуб ҳали ҳам янги шартнома таклиф қилмаганини айтди. Париж клуби эса Салоҳга йилига 40 млн евро маош таклиф қилишга тайёр. Бу сумма ичига хар ҳил бонуслар кирмаган. Барча бонуслар қўшиладиган бўлса, Салоҳ бу таклифга кўра Европадаги энг кўп маош оладиган футболчига айланиши мумкин. 

32 ёшли Муҳаммад Салоҳ яна бироз энг юқори даражада футбол ўйнамоқчи. Шу сабабли, у АҚШ ва Саудия арабистонидан келаётган таклифларга эътибор қаратмаяпти.

Ўз навбатида, ПСЖ "Ливерпуль" билан январдаёқ келишиб олмоқчи. Бу инглиз клуби ҳам ўзи учун маълум миқдордаги пулни кафолатлашини англатади. 

Маълумот учун, Салоҳ ушбу мавсум АПЛнинг 12 та ўйинида 10 та гол ва 6 та ассист қайд этди.