Превью. "Шўртан" - "Металлург"

«Шўртан» (Ғузор) – «Металлург» (Бекобод)
30 июнь 2015. Ғузор. "Ғузор" стадиони. 19:00
Ҳакамлар: Д. Пислегин (Тошкент), Н. Рўзимов (Тошкент), С. Шоюсупов (Тошкент), Э. Турсунов (Бухоро)
Назоратчи: С. Эрматов (Тошкент).

 “Шўртан” ҳамда “Металлург”олий лигада жами 18 бора тўқнаш келишган. Шулардан 13 тасида бекободликлар ғолиб бўлишган, 2 ўйинда “Шўртан” ғалабани тантана қилган. Ўзаро ўйинларда 3 марта дуранг натижаси қайд этилган. Тўплар нисбати “Металлург” фойдасига 37:18 ни ташкил қилмоқда. Ўзаро ўинларда “Металлург” 42 очкони, “Шўртан” эса 9 очкони қўлга киритган.

“Металлург”нинг “Шўртан” устидан қозонган йирик ғалабаси – 4:0. “Шўртан”нинг ўзаро ўйинларда бекободликлар устидан қозонган энг йирик ғалабаси 2:1.

2013 йил дастлабки даврада Бекободдаги ўйин тақдирини битта гол ҳал қилган. Александр Ковалевнинг 84-дақиқада “Шўртан” дарвозасига урган голи “Металлург”га мавсумдаги илк ғалабани келтирганди – 1:0. Ғузорда эса томошабинлар 6та гол гувоҳига айланишганди. Мезбонлар сафида Павлен Соломин (2та) ва Ҳумоюн Муртазоев, бекободликлар таркибида Шухрат Йўлдошев, Ҳикмат Ҳошимов ва Миртўра Акбаров гол уришганди.

Ғузорда ўтган сўнгги беш учрашув:
08.11.2013 «Шўртан» - «Металлург» 3:3
14.04.2012 «Шўртан» - «Металлург» 1:2
02.04.2011 «Шўртан» - «Металлург» 2:3
14.08.2010 «Шўртан» - «Металлург» 2:2
30.10.2009 «Шўртан» - «Металлург» 0:1

Ўзаро ўйинлар ҳақида факт: “Шўртан” ўз майдонида бу рақибни икки марта мағлуб этган. Иккита баҳсда ғолиб аниқланмаган. Бешта ўйинда “Металлург” Ғузордан уч очко билан ортга қайтган. “Шўртан” сўнгги марта ўз уйида 2007 йил ғалабага эришган, шундан сўнг бўлиб ўтган 6та ўйинда рақибни енга олмаган.