Превью. "Нефтчи" - "Машъал"

«НЕФТЧИ» – «МАШЪАЛ»
26 апрель. Қиргули. "Нефтчи СК" стадиони. 17:00
Ҳакамлар: Б.Намозов, О.Абдувасилов, Н.Рўзимов, В.Нажафалиев
Назоратчи: А.Попов.

“Нефтчи“ ҳамда “Машъал“ шу кунга қадар ўзаро 26 маротаба куч синашишган. Натижалар “Нефтчи”нинг устунлигини кўрсатмоқда. Водийликлар 26 баҳснинг 18тасида ғалаба қозонишган. 8та ўйинда “Машъал”нинг қўли баланд келган. Бу жамоалар шу кунга қадар олий лигада умуман дуранг ўйнашмаган. Тўплар нисбати ҳам “Нефтчи” фойдасига 53-26. Ўзаро ўйинларда “Нефтчи” 54 очони қўлга киритган бўлса, “Машъал” 24 очколик бўлган.

“Нефтчи”нинг “Машъал” устидан қозонган энг йирик ғалабаси – 7:0. “Машъал”нинг “Нефтчи” устидан қозонган энг йирик ғалабаси эса – 3:0 ни ташкил этади.

Ўтган мавсум “Машъал” олий лигада иштирок этмади. Бу жамоалар ўртасидаги сўнгги тўқнашувлар 2012 йил бўлиб ўтган. Қизиғи ўша йилги учрашувларда мезбон жамоа 3:0 ҳисобида зафар қучган. Водийдаги баҳсда Иқбол Акрамов ва Анвар Бердиев (иккита) гол уришган. Муборакда эса Павел Соломин (иккита) ва Жаҳонгир Абдумўминов ўз номларини таблога ёздириб қўйишганди.

Фарғонада ўтган сўнгги беш учрашув:
04.05.2012  «Нефтчи» – «Машъал»  3:0
13.08.2011  «Нефтчи» – «Машъал»  2:1
10.04.2010  «Нефтчи» – «Машъал»  3:0
26.10.2009  «Нефтчи» – «Машъал»  1:0
26.04.2008  «Нефтчи» – «Машъал»  1:0

Ўзаро ўйинлар ҳақида факт: Бу жамоалар ўртасидаги Фарғонада кечган 13та учрашувнинг 12тасида “Нефтчи” зафар қучган. “Машъал” фақат бир марта 2005 йил водийда “Нефтчи”ни мағлуб этиб қайтган.