Превью. "Навбаҳор" - "Машъал"

«Навбаҳор» – «Машъал»
14 март 2015. Наманган. "Марказий" стадион. 16:00
Ҳакамлар: В.Цейтлин, Х.Шодмонов, Т.Гайнулин, Р.Копадзе
Назоратчи: С.Эрматов.

“Навбаҳор” ва “Машъал” олий лигада жами 28 бора тўқнаш келишган. Натижалар тенгликни кўрсатмоқда. Икки жамоа 11тадан ўйинда зафар қучишган, 6та ўйинда дуранг қайд этилган. Тўплар нисбатида эса “Навбаҳор” олдинда - 38:32. Ўзаро ўйинларда “Навбаҳор” 39, “Машъал” 39 очкони  қўлга киритган.

“Навбаҳор”нинг ўзаро ўйинларда қозонган энг йирик ғалабаси – 8:0 га тенг. “Машъал”да бу кўрсаткич 5:0 бўлиб турибди.

Ўтган йил дастлабки даврада “Машъал” ўз уйида ғалабага эришганди. Зоҳир Қўзибоев, Зафар Тўраев ва Мўйдин Мамазулумовнинг урган голларига “лочинлар” ҳимоячиси Юрий Рижко бир бор жавоб берганди – 3:1. Водийдаги учрашувда Мансур Саидов, Бахтиёр Ёқубов ва Шахбоз Эркиновнинг голлари “Навбаҳор”га йирик ғалаба келтирган – 3:0.

Наманганда ўтган сўнгги беш учрашув:
25.10.2014 «Навбаҳор» - «Машъал» 3:0
03.08.2012 «Навбаҳор» - «Машъал» 2:2
05.08.2011 «Навбаҳор» - «Машъал» 2:0
13.03.2010 «Навбаҳор» - «Машъал» 0:0
25.06.2009 «Навбаҳор» - «Машъал» 2:1

Ўзаро ўйинлар ҳақида факт: Бу жамоаларнинг водийда ўтган ўйинларида “Навбаҳор” 9 бор зафар қучган. Уч бор ғолибни аниқлашнинг имкони бўлмаган. “Машъал” ҳисобида 2та ғалаба мавжуд. Сўнгги марта 2007 йили “Машъал” Намангандан ғалаба билан қайтган. Шундан кейин ташкил этилган 6та учрашувда “Навбаҳор” ўз уйида бу жамоага ютқазмаган. 


Нарзулла Сайдуллаев