"Порту" ярим ҳимоячиси Европа топ-клублари эътиборини тортди

Манбага кўра, футболчи учун асосий даъвогарлар – "Ливерпуль", "Бавария" ва "Лацио". Қайд этилишича, "қизиллар" бош мураббийи Юрген Клоппнинг шахсан ўзи футболчига жиддий қизиқмоқда.

22 ёшли хавбекнинг шартномасида кўрсатилган товон пули 40 миллион еврони ташкил этади, бироқ "Порту" у билан хайрлашишни режалаштирмаяпти.

Витинья жорий мавсумда Португалия чемпионатида 23 та ўйинда майдонга тушиб, рақиблар дарвозасини 2 марта ишғол қилди.