Польша терма жамоаси ўйинчилари Левандовскининг сардорлик боғичи олиб қўйилганини "нишонлашди"

Аввалроқ маълум бўлишича, Роберт Левандовски сардорлик боғичидан маҳрум қилинган ва шундан сўнг мураббий алмашмагунча миллий жамоада ўйнамасликка қарор қилган.

Przegląd Sportowy хабарига кўра, сардор алмаштириш қарори бошқа ўйинчилар томонидан қарсаклар билан кутиб олинган. "Футболчилар нишонлашмоқда", – деб айтган вазиятдан хабардор манба.

Шунингдек, бош мураббий Михал Пробеж бу қарори билан ўйинчиларнинг "ҳурматига сазовор бўлгани" таъкидланмоқда.

Роберт Левандовски миллий жамоа тарихидаги энг яхши тўпурар бўлиб, у 85 та гол урган. Ҳужумчи терма жамоада 2008 йилдан бери ўйнаб келарди.