Пўлатхўжа Холдорхонов: "Икки очко йўқотдик, ғалаба қозонишимиз керак эди"

- Ўйин яхши ўтди. Баҳсни яхши бошладик. Кейин бироз ўйинни ташлаб қўйдик. Қарши ҳужумларда ўйнашга ҳаракат қилдик. "Бунёдкор" ҳам яхши жамоа, буни билардик. Бу учрашувда ғалабага ҳақли эдик. 

- "Шўртан" бир очко олдими ёки икки очко йўқотдими?

- Икки очко йўқотдик, ғалаба қозонишимиз керак эди. Ғалаба учун майдонга тушгандик.

- Сўнгги ўйинларда жамоага омад етишмаётгандек. Бунга сабаб нимада бўлмоқда?

- Жамоа янгитдан йиғилган, 7-8 футболчи қўшилган. Бир-биримизни тушуниб боряпмиз. Вазиятлардан фойдаланиш керак. Кўп вазиятларимиз бўляпти.

- Ўйиннинг сўнгги қисмида жамоада кўп ҳужумлар бўлди, бироқ пала-партишлик кузатилди.

- Чарчоқ сабаб деб ҳисоблайман. 

- Баъзи вазиятларда зарба бериш керак бўлганида пас бердингиз, пас бериш керак бўлган жойда зарба бердингиз.

- Иккиланиб қолдим.