Погба ЖЧ-2026да ўйнамоқчи

Бу ҳақда ESPN маълум қилди.

Американинг "Ди Си Юнайтед" клуби қизиқиш билдираётганига қарамай, ярим ҳимоячи фаолиятини Европада давом эттириш ниятида.

Футболчи келажакда MLS'га ўтишни ўйламоқда. Унинг дўстлари Жиру ва Льорис аллақачон "Лос-Анжелес"да ўйнамоқда, аммо ҳозирча у Европа даражасига чиқишни мақсад қилган. Унинг фикрича, у ҳали ҳам Чемпионлар Лигасида ўйнашга ва ЖЧ-2026 учун Франция терма жамоаси такибидан жой олишга қодир.

Ярим ҳимоячи ноябрь ойидан бери оиласи билан Майамида истиқомат қилмоқда. У ерда якка тартибда шуғулланиб, ўртоқлик ўйинларида иштирок этяпти. Шунингдек, у "Ди Си Юнайтед" қизиқиш билдиришидан олдин "Интер Майами" эгаси Дэвид Бекхэм ва бошқа MLS жамоалари билан алоқага киришди.