Пеп Гвардиола Европанинг ва Англиянинг энг кучли жамоалари номини айтди

"Эришганларимиздан мамнунман, буни тан олмасликнинг иложи йўқ. Бу натижага олдин ҳеч ким эришмаган бўлса, демак, бу қийин вазифа бўлган.

Аммо асосийси - совринни боши узра баланд кўтариш. Аммо ҳозир диванда ётиб олиб, барчаси ажойиб дейишдан маъно йўқ. Энг яхши жамоа бўлиш учун кўп ишлаш керак.

Европанинг энг кучли жамоаси - "Бавария". Улар барча совринни ютишди, демак, энг зўрлари улар. Англияда эса энг яхши жамоа - "Ливерпуль". Улар чемпион бўлишди, демак, энг зўрлари.

Агарда тож кийишни истасанг, ғалаба қозонишинг керак. Февраль ёки март ойида ҳеч ким чемпион бўлмайди. Йиғган 36 очкони йўқотиб юбориш ҳеч гап эмас. Рақиблар жуда кучли", - деди Гвардиола.