"Пахтакор"да Войнескининг имзоси йўқми? Арвеладзе давридаги жамоа кучли эди. "Аҳал"нинг дурангги нимага ишора?" - Мутахассис фикри
08 apr 2022 20:24
News

"Пахтакор"да Войнескининг имзоси йўқми? Арвеладзе давридаги жамоа кучли эди. "Аҳал"нинг дурангги нимага ишора?" - Мутахассис фикри

"Пахтакор"нинг ОЧЛда "Сепахон"дан учралган мағлубияти бугунги куннинг муҳокама марказида бўлди.

Дарҳақиқат, халқаро майдонда юртимиз шарафини ҳимоя қилаётган жамоадан бундай ўйин ва натижа барчанинг дилини ҳира қилгани шубҳасиз. "Шерлар"нинг фақат бир таймлик ғалабаси кимга ҳам керак? Футбол 90 дақиқа ўйналади ва буни кеча "Сепахон" ортиғи билан исботлаб қўйди. Бу биз билган "Пахтакор"ми? Таркибдаги футболчиларнинг даражаси билан қандай қилиб бундай ўйин кўрсатиш мумкин? Очиғи бугунги "Пахтакор" сўнгги 3 йилдаги энг кучсизи мен учун. Бу кечаги ўйиндан кейинги хулосаларим. Навбат мутахассисга. Камолиддин Мурзоев бу борадаги дастлабки фикрларини билдирди.

- "Пахтакор" биз кутган ва истаган натижани кўрсата олмади. Ўйин борасида ҳам шундай. Биринчи бўлимда ўйинни яхши назорат қилди. Одатда бундай паллада маҳаллий футболчилардан ташқари, легионерларнинг ҳам маҳорати катта саҳнага чиқиши керак. Уларнинг ўрни катта бўлади. Жорий мавсум жамоага олиб келинган легионерлардан клуб раҳбарларининг ҳам кўнгли тўлмаган бўлиши мумкин. Бир неча йиллардан бери кўряпмизки, ОЧЛда легионерлар кўп нарсани ҳал қилмоқда.

Pakhtakor Tashkent

Dragan Ceran - 28'

AFC Champions League Grp. D . Round 1

07/04/2022, 23:15

Finished

Sepahan

Shahriar Moghanlou - 49', Shahriar Moghanlou - 55', Mohammad Reza Hosseini - 70'

45'

90'

Open in Match Center

Очиғини айтиш керакки, "Пахтакор"нинг икки марказий ҳимоячилари иккинчи бўлимда ўзларини йўқотиб қўйишди, дея оламиз. Чунки голларга эътибор берар эканмиз, мудофаа чизиғи вакиллари эътиборни йўқотиб қўйшган, рақибга нисбатан жуда секин ҳаракат қилишган. Мазкур фикримизга мутахассисимиз ҳам қўшилган ҳолда ҳимоя ҳақидаги фикрларини билдирди.

- Марказий ҳимояда катта ва қўпол хатоларга йўл қўйилди. Юқорида ҳам айтиб ўтганингиздек, легионер ҳимоячилар кутилганидек ўйин кўрсатгани йўқ. Ўйлайманки, Славче Войнески кейинги турга қадар бу муаммонинг ечимини топишга ҳаракат қилади.

Ташқаридан қараганда кечаги баҳсда ҳеч қандай мураббий имзоси кўзга ташланмаганини пайқаш қийин эмас. Майдонда футболчиларнинг ўзаро тушуниши, ҳимоядан ҳужумга ўтиш, комбинациялар ҳосил қилиш деярли ўхшагани йўқ. "Сепахон" футболчилари ўйин давомида "Пахтакор" жамоасини жарима майдончасигача етиб келишига йўл қўйишмади. Мураббий имзоси ўзи нима?

- Мураббий имзоси айтарли даражада кўринмади. Дейлик Шота Арвеладзе даврида бошқа "Пахтакор" кўрганмиз, жамоа ҳар томонлама кучли эди, дея оламан. Футболчилар мураббийнинг нима истаётганини тушунарди. Кеча улар қўлидан келганча, маҳоратидан келиб чиқиб ўйин давомида нимадир қилишга ҳаракат қилишди. Рўза ҳақида фикр билдиришда эҳтиёткорлик зарур, деб биламан. Тўғри бундай паллада футболчиларга қийин. Бу бизнинг рамазон ойидаги бурчимиз. Қолаверса, ҳар бир футболчи буни ўзи ҳал қилади. Инсон организими ҳамма нарсага кўникади. Фақат тўғри тайёрлашни билиш керак, холос.

Туркманистоннинг "Аҳал" жамоаси кеча БААнинг "Шабаб Ал Аҳли" клуби билан дуранг ўйнади. Бу қайсидир маънода бизга огоҳлик қўнғироғи бўлиши лозим. Тожикистон клуби ўтган мавсумда гуруҳдан чиқишни уддасидан чиқди. "Истиқлол" Осиё гранди "Ал Ҳилол"ни ютаётган экан, бизнинг футболимиз, тизимимиз чиндан ҳам пастга қараб шўнғимоқда. Камолиддин Мурзоев мазкур жиҳатга қуйидагича ёндашди.

- Фикримча, "Шабаб Ал Аҳли" клуби кеча қўшниларимизни менисмасдан, ёки осон ютишни ўйлади. Қирғиз Республикаси, Туркманистон, Тожикистон клубларида ўсиш кузатилмоқда. Бунга нормал қараб, ишлашда давом этишимиз керак. Ҳозир ҳамма футбол ўйнашни билиб олган.