Ўзбекистонлик собиқ футболчи Қозоғистон клубининг ёпилишига муносабат билдирди
01 jun 2020 17:49
News

Ўзбекистонлик собиқ футболчи Қозоғистон клубининг ёпилишига муносабат билдирди

Аввалроқ, Павлодарнинг “Иртиш” клуби молиявий инқироз сабаб ёпилгани ҳақида хабар қилинганди.

Бу ҳақда кеча ҚПФЛ ҳам расмий баёнот билан чиққан. Унда “Иртиш” жамоаси молиявий ва спорт мажбуриятларини бажара олмаслиги сабаб Қозоғистон чемпионатида иштирок эта олмаслигини маълум қилган. Шундай қилиб, павлодарликлар чемпионатнинг янгиланган тақвимидан чиқариб ташланди. Ўзбекистонлик собиқ футболчи ва ҳужумчи Камолиддин Мурзоев ушбу хабарга ўз муносабатини билдирди.

“Эшитиб шокка тушдим. “Иртиш” Қозоғистон футболи тарихидаги энг яхши жамоалардан бири ҳисобланади. Бу жуда аянчли ҳолатдир”,- дейди ўз инстаграм саҳифасида.

Эслатиб ўтамиз, Камолиддин Мурзоев 2013 йилнинг иккинчи ярмида мазкур жамоа шарафини ҳимоя қилиб, 10та учрашувда 2та гол урганди.