Latest news

21:05Назорат ўйини. "Навбаҳор" Хитой жамоасидан устун келди  0 20:4239 ёшли Модрич яна бир йил "Реал"да қолмоқчи  1 20:25Назорат ўйини. "Насаф" Грузия жамоасига 4та гол урди  9 20:16Ўртоқлик ўйини. "Сўғдиёна" Черногория жамоаси билан дуранг ўйнади  2 19:58"Бавария" "Челси" ярим ҳимоячисига қизиқиб қолган  1 19:31"Манчестер Юнайтед" Рэшфоддан кейин яна бир ҳужумчисини сотиб юбормоқчи  3 18:57"Арсенал" ёзда трансфер рекордини янгилашга тайёр  3 18:28Френки де Йонгга АПЛдан харидор чиқяпти  3 18:02"Фарғона вилояти ҳокими кубоги-2025". 1-тур якунланди  0 17:43"Челси" ёзги трансфер ойнаси учун асосий мақсадларини аниқлаб олди  4 17:10"Реал" афсоналаридан бири футбол билан хайрлашди  7 16:53Расмий хабар: "Пахтакор" футболчиси "Навбаҳор"га ўтди  11 16:49Назорат учрашуви. "Сурхон" Россия клубини мағлуб этди  5 16:25Ўзбекистон ёшлари Хитой клубини мағлуб этди  7 15:59Ана бўлмасам! Кейн "Тоттенхэм"га қайтадими?!  3

⚡️ Ўзбекистонлик 2 футболчи XXI асрда миллий чемпионатларда энг кўп гол урган тўпурарлар рўйхатидан жой олди. Пешқадам – Роналду, Месси эса иккинчи News

⚡️ Ўзбекистонлик 2 футболчи XXI асрда миллий чемпионатларда энг кўп гол урган тўпурарлар рўйхатидан жой олди. Пешқадам – Роналду, Месси эса иккинчи

Халқаро футбол тарихи ва статистикаси федерация (IFFHS) 21 асрда миллий биринчиликлар (юқори дивизионлар)да энг кўп гол урган футболчилар рўйхатини тузиб чиқди.

Унда етакчи сифатида Криштиану Роналду қайд этилди. 37 ёшли форвард ҳисобида 498 та гол мавжуд. Роналду Португалия, Англия, Испания ҳамда Италия чемпионатларида ҳаракат қилган. Ундан кейинги ўринлардан Лионель Месси ҳамда Златан Ибрагимович жой олди.

Топ-10 эса қуйидагича:

1. Криштиану Роналду – 498 та гол;

2. Лионель Месси – 487;

3. Златан Ибрагимович – 392;

4. Луис Суарес – 364;

5. Роберт Левандовски – 357;

6. Николас Муньос – 328;

7. Александар Журич – 304;

8. Хосе Альфредо Кастильо – 289;

9. Али Ашфақ – 288;

10. Мартин Камбуров – 287.

Шу билан бирга рейтингда ўзбекистонлик икки футболчи ҳам бор ва улар 200+ гол урган 89 футболчидан пастроқда жойлашишган. “Темирйўлчи”, “Машъал”, “Насаф”, “Нефтчи”, “Бунёдкор”, “Андижон” ва “Истиқлол” каби жамоалар шарафини ҳимоя қилган Анвар Бердиев XXI асрда 164 та гол урган ва у бу борада Руд Ван Нистельрой (159 гол), Алессандро дель Пьеро (152) каби футболчилардан юқорироқда турибди. Шунингдек, Бердиев ХХ асрда миллий чемпионатда 61 та гол ургани кўрсатилган.

Бундан ташқари, тўпурарлар қаторида Зафар Холмуродовнинг номи ҳам бор. Ўзбекистон МТЖ собиқ аъзоси “Ҳисор, “Насаф”, “Машъал”, “Динамо”, “Хоразм”, “Олмалиқ” каби жамоаларда тўп тепган. У 21 асрда 151 та, ўтган асрда эса 49 та гол урган, умумий голлари сони 200 талиги кўрсатилган.

Маълумот ўрнида, Анвар Бердиев Ўзбекистон чемпионатида 505 ўйинда қатнашиб, умумий 225 та гол урган ва у бу борада рекордчи ҳисобланади. Зафар Холмуродов 200 та гол билан кейинги ўринда бўлса, кучли учликка Шуҳрат Мирхолдиршоев якун ясаган – 194 та гол.

IFFHS. Ўзбекистоннинг уч клуби 2022 йилги рейтингдан ўрин олди. “Барса” 20-ўринда, Роналдунинг жамоаси эса топ-500'да ҳам йўқ

Author : Eldor Akmurzayev
Rating: +9   

Comments

championat.asia
< show latest news
Яндекс.Метрика