Latest news

23:41Асрор Алиқулов: "Иккинчи тайм учун йигитларга раҳмат айтаман"  0 23:22Миржалол Қосимов: "Иккинчи даврада ўзимизни кўрсатиб, аввалги мақомимизга қайтмасак бўлмайди"  1 23:10Клублар ўртасидаги ЖЧ. ПСЖ тўққиз киши бўлиб "Бавария"ни мағлуб этиб, ярим финалга йўл олди  131 22:50Аёллар. Ўзбекистон терма жамоаси Непални пенальтилар сериясида мағлуб этиб, 23 йиллик танаффусдан сўнг Осиё чемпионатига чиқди  4 22:10Качоррининг дубли "Бунёдкор"га "Андижон" устидан ғалаба тақдим этди  42 21:55Суперлига. ОКМК "Машъал" майдонида қийинчилик билан ғалаба қозонди  4 20:29"Челси" 48,5 млн фунтлик трансферни эълон қилди  5 19:46Ўзбекистон ва Непал дуранг ўйнаса нима бўлади?  5 18:06Деку ва Флик ҳозирда Рэшфорд трансферини кўриб чиқмаяпти. "Барса" Диасга эътибор қаратмоқда  2 17:30"Сен буни ўқийсан". Жотанинг энг яқин дўсти ҳалок бўлган футболчига мактуб ёзди  4 16:40"Интер" ва "Галатасарой" Чалханоглу трансфери бўйича музокараларни бошлади  0 16:10Ўзини тополмаган ўнлик: Биринчи давранинг омадсиз трансферлари   11 15:51Расман: Кайл Уокер янги клубга ўтди  0 15:16Дюмфрис Англия топ клубига ўтиши мумкин  0 14:41Жота ва гуллар  11

Ўзбекистон ва Непал дуранг ўйнаса нима бўлади? News

Ўзбекистон ва Непал дуранг ўйнаса нима бўлади?

Бугун Ўзбекистон аёллар терма жамоаси Непал терма жамоасига қарши ўйнайди.

2026 йил навбатдаги Аёллар Осиё Кубоги бўлиб ўтади ва 1-21 март кунлари Австралияда ўтказилади. Ҳозир мана шу мусобақа учун саралаш баҳслари бўлиб ўтмоқда. Аёллар Осиё Кубогида 12та давлат терма жамоаси иштирок этади.

Ҳозирги пайтга келиб қитъа биринчилигида иштирок этадиган 6та жамоа номи маълум. Булар - мезбон Австралия ва шу билан бирга 2022 йилги Аёллар Осиё Кубогининг совриндорлари - чемпион Хитой, иккинчи ўрин соҳиби Жанубий Корея ва учинчи ўрин эгаси Япония.



Бешинчи жамоа кимлиги 2 июль куни аниқ бўлди. Саралашнинг "C" гуруҳи якунларига кўра, Бангладеш аёллар терма жамоаси ҳам Осиё чемпионатига йўл олди. Бугун эса олтинчи жамоани ҳам билиб олдик: саралашнинг "G" гуруҳида пешқадам бўлган Филиппин аёллар термаси Осиё Кубоги-2026 иштирокчисига айланди.

Бугун шунингдек, яна 5та омадли жамоа маълум бўлади. Бугунги ўйинлардан сўнг Вьетнам/Гуам, Ҳиндистон/Таиланд, Хитой Тайпейи/Индонезия, КХДР/Малайзия ҳамда Ўзбекистон/Непал жуфтликларидан бири Осиё чемпионатига йўл олади. Шундай қилиб иштирокчилар сони 11тага етади. Сўнгги 12-жамоа эса "A" гуруҳидаги баҳслар якунига етгач маълум бўлади. Маълумот учун, бу гуруҳда саралаш ўйинлари 7-19 июль оралиғида Иорданияда ўтказилади ва катта эҳтимол билан Эрон ёки Иордания аёллар терма жамоаси Осиё чемпионати йўлланмасига эга чиқади. 

Бугун Ўзбекистон аёллар терма жамоаси учун муҳим кун. Чунки биз саралашнинг охирги кунида асосий рақиб билан ўйнаймиз. Ҳашаматли "Бунёдкор" стадионида соат 20:30дан бошлаб Ўзбекистон - Непал учрашуви старт олади.

Айни пайт турнир жадвалида иккита ўйиндан кейин 6 очко тўплаб биринчи ўринда турибмиз. Бизда тўплар нисбати 17-0. Қизиғи шундаки, бугунги рақибимиз Непал терма жамоаси ҳисобида ҳам 6 очко бор ва уларда ҳам тўплар нисбати 17-0. Биз Шри Ланкага 10та, Лаосга 7та гол урдик. Непал қизлари эса Лаосга 9та, Шри Ланкага 8та гол урди.



Хуллас, сўнгги тур олдидан бир хил кўрсаткичга эгамиз: ҳам очколар, ҳам тўплар нисбати бўйича. Бу дегани бугунги баҳсда ким ғалаба қозонса, Аёллар Осиё Кубогининг навбатдаги иштирокчиси бўлади. Шу пайтгача Ўзбекистон Аёллар терма жамоаси Осиё чемпионатида 5 марта иштирок этган: 1995, 1997, 1999, 2001 ва 2003 йилларда. Непал ҳисобида эса учта иштирок бор: 1986, 1989, 1999.

Бугунги рақиб кучлими? Ҳа, ўзига яраша кучли. Аммо бизнинг қизларимиз ҳам бўш эмас. Ҳар ҳолда аёллар терма жамоамиз йил бошидан бери бир нечта ўйинларда майдонга тушиб, анча тажриба тўплади. Бугун эса мана шу тажрибани кўрсатиш вақти келди. Бугун бизга фақат ғалаба керак. 

Агар учрашув дуранг натижа билан якун топса, унда ғолиб пенальтилар сериясида аниқланади. Пенальти бу - лотерея эканини ҳисобга олсак, ўз имкониятимизни асло шансга қолдирмаган маъқул. Ўйиннинг асосий вақтида рақибни мағлуб этсак бўлди, Осиё Кубоги эшиклари тарихда илк бор Ўзбекистон учун очилади. 

Шундай экан, терма жамоамизга фақат омад тилаб қоламиз. 


Х.Холиқов.


Rating: +4   

Comments

   
05 jul 20:56:05
Азим Исмаилов
Reply to comment by Низом
Тўғри мен аёллар футболига шу кунга қадар умуман қизимаганман, лекин энди шанс пайдо бўлибди деб бир нарсага эътибор бердим: "Ўйиннинг асосий вақтида рақибни мағлуб этсак бўлди, Осиё Кубоги эшиклари тарихда илк бор Ўзбекистон учун очилади" деб ёзилган, лекин сал тепароқда "Ўзбекистон Аёллар терма жамоаси Осиё чемпионатида 5 марта иштирок этган" деб ёзилган. Осиё чемпионати ва Осиё кубоги бошқа-бошқа мусобақами ?
Тарихда илк бор сузлари ортикча
   
05 jul 20:35:41
Samcity
Bu it emgan jurnalistlarga avvalo O'zbek tilini o'rgatish kerak ,,SHANS" deb yozishiga balo bormi isqirt
   
05 jul 20:27:42
Низом
Тўғри мен аёллар футболига шу кунга қадар умуман қизимаганман, лекин энди шанс пайдо бўлибди деб бир нарсага эътибор бердим: "Ўйиннинг асосий вақтида рақибни мағлуб этсак бўлди, Осиё Кубоги эшиклари тарихда илк бор Ўзбекистон учун очилади" деб ёзилган, лекин сал тепароқда "Ўзбекистон Аёллар терма жамоаси Осиё чемпионатида 5 марта иштирок этган" деб ёзилган. Осиё чемпионати ва Осиё кубоги бошқа-бошқа мусобақами ?
   
05 jul 20:14:18
Рома
Эркакларнинг байрами булади.Нима булади эмиш?)))
   
05 jul 20:00:26
NEWS 24
Endi xisob kitob ayollarga qoldimi mayli uyimizda ekanmiz InshaAlloh yutamiz
championat.asia
< show latest news
Яндекс.Метрика