Ўзбекистон U-16 Дукентда йиғин ўтказмоқда
13 aug 2016 14:48
News

Ўзбекистон U-16 Дукентда йиғин ўтказмоқда

Темур Олимхўжаев мураббийлигидаги Ўзбекистон ўсмирлар терма жамоаси шу кунларда Тошкент вилоятининг Дукент шаҳарчасида бўлиб турибди.

Сентябрь ойида Ҳиндистонда бўлиб ўтадиган Осиё чемпионатига тайёргарлик кўраётган терма жамоамиз 5 августдан бошлаб Дукентда йиғин ўтказмоқда. 17 августга қадар давом этадиган йиғинда асосий эътибор жисмоний тайёргарликка қаратилмоқда. Шу боис, кунига 2-3 маҳалдан машғулотлар ўтказилмоқда.

Айтиш керак, терма жамоамиз август ойининг сўнгги кунларида Словакияга йўл олади. У ерда мезбонларга қарши назорат учрашуви ўтказилиши режалаштирилган. 2 сентябрь куни юртимизга қайтиб келадиган терма жамоамиз орадан бир ҳафта ўтиб, Ҳиндистонга жўнаб кетади.