Ўзбекистон U-14 чемпионати. "Бунёдкор U-14" - "Хоразм U-14" мураббийлари иккинчи турдан сўнг нималар деди?

Ушбу тур доирасида ўтказилган "Бунёдкор" - "Хоразм" (1:2) учрашувидан сўнг икки жамоа мураббийларининг фикрлари билан қизиқди

Ғулом Ҳалимтоев ("Бунёдкор U-14" бош мураббийи) - Ўйин давомида устунликка эга бўлдик. Барибир натижа тарихда қолади. Вазиятлардан фойдалана олганимиз йўқ. "Хоразм" эса ўзи яратган имкониятларни голга айлантирди. Навбатдаги тур ҳал қилувчи бўлади. Тайёргарликни давом эттирамиз.

Аброр Қиличев ("Хоразм U-14" бош мураббийи) - "Бунёдкор" яхши жамоа эканлиги маълум эди. Умуман олганда қийин ўйин ўтказдик. Болаларда ҳаяжон ва босим бўлди, деб ўйлайман. Шогирдларимнинг иродаси ҳисобига ғалаба қозондик. Бу билан тўхтаб қолмаймиз.