Ўзбекистон Суперкубоги учун чипталар 25 май куни сотувга чиқади

Мамлакат чемпиони сифатида "Пахтакор" ва Кубок соҳиби сифатида "Насаф" жамоалари кетма-кет тўртинчи бор Суперкубок учун курашади. 

Лига учрашув чипталари масаласида одатга кўра iTicket билан ҳамкорлик қилади. Чипталар 4 тоифага ажратилган бўлиб, CИП сектор чипталари 100 минг сўм этиб белгиланган. Шунингдек, жойлашувига қараб 50, 30, 25 минг сўмлик чипталар мавжуд. 

Эртага — 25-май кунидан бошлаб чипталарни iTicket.uz сайти орқали онлайн харид қилиш мумкин. 27 май куни эса "Бунёдкор" стадиони кассалари Чилонзор ҳамда Мирзо Улуғбек метро бекатлари яқинида очилади.

"Пахтакор" клуби фаоллари 3Б сектордан, "Насаф" клубининг етакчи мухлислари эса 3E сектордан жой олиши кўзда тутилган. Футбол мухлислари ўз севимли жамоаларини қўллаб-қувватлаш учун суратда акс этган секторларга эътибор қаратишлари сўралади.