Ўзбекистон Суперкубоги. Бугун Самарқандда "Аждарлар" ва "Шерлар" тўқнаш келади
06 mar 2021 09:49
News
![](https://championat.asia/upload/storage/623574_original.jpg)
![](/upload/storage/623574_220.jpg)
Ўзбекистон Суперкубоги. Бугун Самарқандда "Аждарлар" ва "Шерлар" тўқнаш келади
Самарқанддаги "Динамо" стадионида "Пахтакор" ва "Насаф" клублари соврин учун куч синашишади. Мазкур баҳс соат 16:00да бошланади ва "Дунё Бўйлаб" телеканали орқали жонли намойиш этилади.
Кеча иккала жамоа аъзолари ўйин олди расмий машғулотни ўтказишди ва учрашувдан олдинги матбуот анжуманида иштирок этишди.
Фото. "Насаф"нинг Рўзиқул Бердиев ташриф буюрган расмий машғулотидан ГАЛЕРЕЯ
Жорий йилги Ўзбекистон Суперкубоги тарихдаги олтинчиси ҳисобланади. Бунга қадар ўтказилган бешта учрашувда "Навбаҳор", "Бунёдкор" ,"Локомотив" икки бор ва "Насаф" бир маротаба бош совринга эга чиққан. "Пахтакор" ушбу бешта ўйиннинг учтасида иштирок этган ва барчасида мағлубиятга учраган. 1999 йил "Навбаҳор", 2015 йил "Локомотив" ва 2016 йил "Насаф"га имконият бой берилган. Эртанги баҳс "шерлар" учун Суперкубокдаги тўртинчи беллашув ҳисобланади. "Насаф" учун эса иккинчисидир. Бу жамоалар умумий ҳисобда Суперкубокда иккинчи бор тўқнаш келмоқда. 2016 йил Тошкентда ўтказилган баҳсда Артур Геворкяннинг ягона голи қаршиликларга 1:0 ҳисобидаги ғалабани тақдим қилган эди. "Пахтакор" Суперкубокда жами 9та гол ўтказиб юборган ва 2та гол урган. "Пахтакор" ғалаба қозонган тақдирда Ўзбекистонда барча мусобақаларда зафар қучган биринчи жамоага айланади.
"Насаф" 2016 йилги Суперкубок учун баҳсда ғолиб бўлган ва ушбу совринга эга чиққан.
"Пахтакор" эса Суперкубок учун уч марта майдонга тушган ва ҳар сафар мағлубият аламини тотиб кўрган. 1999 йил "Навбаҳор", 2015 йил "Локомотив" ва 2016 йил "Насаф"га имконият бой берилган.
Ўзбекистон Суперкубоги Самарқанд шаҳридаги "Динамо" марказий стадионида ўтказилади. Учрашув эртага соат 16:00да старт олади. Баҳсни Вадим Агишев бошчилигидаги ҳакамлар гуруҳи бошқариб боради. Унга қанотларда Руслан Серазитдинов ва Тимур Гайнулин ёрдам беришади. Захира ҳаками вазифасини эса Раҳимбек Каримов бажаради. Учрашув назоратчиси Бобур Ҳайдаров бўлса, Жаҳонгир Раҳматуллаев комиссар этиб тайинланган. Агишев ҳозиргача Суперкубок ўйинларида ҳакамлик қилмаган. Демак, биргаликда кўрамиз ва кузатамиз
Ўзбекистон Суперкубоги - 2021. Олдинги 5та ўйинда кимлар майдонга тушган?
Similar news
![AMP Logo](https://championat.asia/image/logo-amp.png)
Comments