Latest news

17:56ПФЛ: Ўзбекистоннинг 17 та клуби ОФК лицензиясига эга чиқди  0 17:23"Жайхун" — "Локомотив". Таркиблар маълум  0 16:34Влахович фойдали таклиф сабаб А Серияни тарк этиши мумкин  0 16:08Леау Ла Лиганинг топ клубларидан бирига ўтиши мумкин  2 15:40Тер Штеген "Барселона"дан кетиши мумкин. Нега?  10 14:32Орзу йўлининг муваффақиятли якуни ёхуд ҳар қадамда тарихга кирган Кападзе   13 14:11"Реал" 39 ёшли футболчи билан шартнома имзолаши мумкин?!  4 13:40ЦСКА бош мураббийи клубдан кетишга яқин  4 13:12"Ньюкасл" "Манчестер Юнайтед"нинг собиқ вингерини харид қилиши мумкин  0 12:42Гвардиола Ямал ҳақида: "Афсусдаман, аммо Мессига ўхшаши бўлмайди. Бу имконсиз"  26 12:12Ўзбекистоннинг 17 клуби ОФК лицензиясини қўлга киритди, аммо...  0 11:41Жака Италия гранди сафига ўтиши мумкин  2 11:17Осимхен "Ал Ҳилол"га ўтмоқдами?  1 10:50“Челси“ ва “Арсенал“да ўйнаган футболчи фаолиятини Бразилияда давом эттиради  0 10:33Расман. Ўруновнинг ўрнига Абдихолиқов чақирилди  14

Ўзбекистон Республикаси Президенти Шавкат Мирзиёев футболчиларни табриклади News

Ўзбекистон Республикаси Президенти Шавкат Мирзиёев футболчиларни табриклади

Ҳозиргина Ўзбекистон терма жамоаси 2026 йилда бўладиган жаҳон чемпионатига йўлланма олди.

Бу катта воқеликдан кейин Ўзбекистон Республикаси Президенти Шавкат Миромонович Мирзиёев футболчиларга табрик йўллади.

Қадрли фарзандларим!

Аввало, сиз, азизларни Осиёнинг энг кучли жамоалари иштирок этган саралаш ўйинларида чинакам жасорат ва матонат намунасини кўрсатиб, том маънода улкан ғалабага эришганингиз – Ватанимиз тарихида биринчи марта жаҳон чемпионати йўлланмасини қўлга киритганингиз билан чин қалбимдан самимий муборакбод этаман.

Ҳеч шубҳасиз, миллий спортимиз солномасига олтин ҳарфлар билан битиладиган бундай ёрқин натижа юртимиздаги миллионлаб футбол мухлислари, бутун халқимизнинг неча йиллик орзуси эди, десак, тўғри бўлади. Сизлар профессионал билим ва малакангиз, тажриба ва маҳоратингиз, энг муҳими, юксак иродангиз ва ғалабага бўлган ишончингиз билан ана шундай орзуни реал ҳақиқатга айлантирганингиз ҳар қандай таҳсин ва тасаннога муносибдир.

Мана шу мунаввар оқшомда – қутлуғ зафар айёмида кўпмиллатли бутун Ўзбекистон халқи сизлар билан ҳақли равишда фахрланмоқда, десак, айни ҳақиқатни айтган бўламиз.

Саралаш ўйинлари нақадар кучли рақобат остида, кескин ва шиддатли курашларда ўтгани, терма жамоамизга нисбатан турли босимлар бўлганига қарамасдан, сизлар зарур очколарни жамғариб, азму шижоатли Янги Ўзбекистон ёшлари қандай юксак марраларни эгаллашга қодир эканини яна бир бор амалда исботладингиз.

Сизларнинг ана шундай ғоят масъулиятли турнирдаги муносиб иштирокингиз кейинги йилларда мамлакатимизда спортга, жумладан, унинг энг оммавий тури бўлган футболга берилаётган улкан эътиборнинг яна бир буюк амалий натижаси сифатида ҳам биз учун ғоят қадрлидир.

Аминман, бу тарихий ютуқ халқимизни эзгу мақсадлар йўлида янада бирлаштиради, минг-минглаб ёшларимиз учун илҳом манбаига, ибрат тимсолига айланади, Янги Ўзбекистоннинг халқаро обрў-эътиборини янада оширишга хизмат қилади.

Сизлар футбол майдонларидаги мана шундай шонли ютуқдан янги куч ва руҳ олиб, келгуси йили АҚШ, Мексика ва Канада давлатларида бўлиб ўтадиган жаҳон чемпионатида нафақат Ўзбекистон, балки бутун Марказий Осиё қитъасининг биринчи ва ягона вакили бўлишдек юксак шарафни чуқур ҳис этган ҳолда, янада катта жонбозлик кўрсатасизлар, деб ишонаман.

Мана шу шукуҳли айёмда сизларни доимо қўллаб-қувватлаб келаётган меҳрибон ва талабчан устоз-мураббийларингиз, миллий терма жамоамизнинг барча аъзоларини, сизларга бахт ва омад тилаб, кечаю кундуз дуода бўлиб келган ота-оналарингиз, ака-ука, опа-сингил ва барча яқинларингизни ўз номимдан, бутун халқимиз номидан қизғин табриклаб, уларга самимий миннатдорлигимни билдираман.

Сизлар муқаддас Қурбон ҳайити кунларида халқимизга байрам совғаси сифатида олиб келаётган ушбу унутилмас тарихий ғалаба барчамизга муборак бўлсин!

Зафарли одимларингиз бардавом бўлсин, азиз фарзандларим!

Шавкат Мирзиёев,

Ўзбекистон Республикаси Президенти

Rating: +37   

Comments

+6   
05 jun 23:35:40
Bobur G'ulomov
Эртага Катанец ни ҳам интервюси чиқади табриклайман деб. Шифо тиллаб қоламиз ушбу мураббийга.
+4   
05 jun 23:46:08
✨Ғайрат Муҳаммад????
Эътибор ва табрик учун Президентимизга катта рахмат. Ғалабамиз Сиз учун муҳтарам Президент!!!
+4   
05 jun 23:43:04
Sher.Far
ertaga xamma yaxshi kayfiyatda xayt namoziga boramiz insha alloh zali shu gapni yozsam negativ fikr bildirishgan edi xammani kayfiyati 100%
+3   
05 jun 23:42:06
Усмонбек
Жаноб президент сизи хам табриклиман сизи гамхурлик этибориз бу тарихий галабага.салмокли хисса кушди урок йиллар бошимизга бош булинг рахмат сизга бутун хамма хаммага
+3   
05 jun 23:38:07
Mekhriddin
Тимур Кападзе жуда катта таваккал билан термани қабул қилди. Ютса Катанецни ҳиссаси дейилишини аниқ билди, ютқазиб қўйса тавқи лаънатга қолиши аниқ эди. Битта гап бор - Хизир назар солмаса эшак бозорига даллол бўлолмайсан дейишади.
Ҳеч қачон Оллоҳнинг назаридан қолмайлик!
Ғолиблар муҳокама қилинмайди!!!
(жаноб Катанецга алоҳида раҳмат. Соғайиб кетсин!)
+3   
05 jun 23:35:36
Давлат
Юрт қаҳрамонлари – Сиз билан фахрланамиз!

Ўзбекистон тарихида янги саҳифа очилди — биз жаҳон чемпионатига чиқдик!

Бу ғалаба — фақат футбол эмас, бу ирода, бирлик ва Ватан учун жон куйдириш тимсоли.

Раҳмат сизга, қаҳрамонлар! Сиз орзу қилганимизни рўёбга чиқардингиз!
+3   
05 jun 23:35:05
Давлат
Юрт қаҳрамонлари – Сиз билан фахрланамиз! ????

Ўзбекистон тарихида янги саҳифа очилди — биз жаҳон чемпионатига чиқдик! ????⚽

Бу ғалаба — фақат футбол эмас, бу ирода, бирлик ва Ватан учун жон куйдириш тимсоли.

Раҳмат сизга, қаҳрамонлар! Сиз орзу қилганимизни рўёбга чиқардингиз! ????????
+3   
05 jun 23:33:55
Kambaraliev
Муборак кунларда барчага муборак босин✊✊✊
+3   
05 jun 23:33:22
Otabek
Темурга насиб қилди икаласиҳам
+2   
05 jun 23:44:15
Акмал
АЛХАМДУЛИЛЛАХ ЕТКАЗГАНИГА ШУКУР
+2   
05 jun 23:43:49
Azizbek Sultonov
Узбекистон жахон чемпионатига чикди. Аллохга шукр жуда хурсандман. Бу кунларни рахматли дадам ва мархум якинларим куришолмади. Йиллаб кутдик доим ойинларни кутдик, курдик, асабийлашдик, эзилдик ванихоят охири ютдик
+2   
05 jun 23:42:21
Алёш ака
Катанец бир келинг энди Ўзб.га байрамга, бир йулга Иқбол табибга кўриниб кетардингизда
+2   
05 jun 23:40:01
икром
Темурни калласи ишласа кибрга бормасдан бу ишни ортига Катанесни кули борлигини айтсин. Бу мардни иши булади. УФФ хам бунга ижобий карабин.
+2   
05 jun 23:36:08
Shamsiddin Matnazarow
Asolomalekim Butun Ozbekistani Turkmonistan halki nomidan tabriklimiz men Shahsan Otkir Yusupovni bu galaba bilan tabrikliman hudi Otkir bilan birga dorvozani koriklagandin boldim bizda ham bayram .Bunga Ozbekistan hakli Rahmat hamaga.
+1   
06 jun 00:15:10
Vatandoshingiz
Хурматли Президент Сизга Рахмат,Оллох Умрингиз ва Ризкингизни Барокатли Килсин
championat.asia
< show latest news
Яндекс.Метрика