Ўзбекистон футзал федерацияси расмий ҳомийси эълон қилинди
06 mar 19:58
News

Ўзбекистон футзал федерацияси расмий ҳомийси эълон қилинди

Tags : Ўзбекистон футзал федерацияси Orient Ceramic

Куни-кеча, Ўзбекистон футзал федерацияси "Orient Ceramic" компанияси билан шартнома имзолади, деб хабар берди федерация матбуот хизмати.

"Ўзбекистон бозорида 6 йилдан кўпроқ муддатдан буён мижозларга хизмат кўрсатиб келаётган компания керамогранит ва керамик плитанинг умумий 300дан ортиқ турли моделларини ишлаб чиқаради. Шунингдек, компания ўз маҳсулотини Тожикистон, Қозоғистон, Қирғиз Республикаси ва Россия Федерациясига экспорт қилишни йўлга қўйиб улгурган.
“Orient Ceramic” Ўзбекистон футзал федерациясига мазкур турни мамлакатимизда янада кенг тарғиб қилиш, Ўзбекистон чемпионати нуфузини ошириш, юртимизда аёллар футзалини ривожлантириш, терма жамоаларимизнинг халқаро ареналарда юксак натижаларни қўлга киритиши учун барча зарур шарт-шароитни яратишида яқин кўмакчи бўлишига умид қиламиз.
Ўзбекистон футзал федерацияси билан “Orient Ceramic” ўртасида имзоланган ушбу битим ҳар иккала томон учун хайрли бўлишига ишонамиз" - дейилади хабарда.

Link :

Source : Ўзбекистон футзал федерацияси матбуот хизмати

Receive latest football news directly on your phone. Subscribe for our Telegram channel!

Rating: +5