Ўзбекистон футбол федерациясининг ишчи гуруҳ аъзоларининг Андижон вилоятига ташрифи ФОТОГАЛЕРЕЯ

Жорий йил 24 ноябр куни Ўзбекистон Футбол Федерацияси президенти У.Ахматджанов томонидан тасдиқланган 156-и/ч – сонли буйруқга асосан тасдиқланган ишчи гуруҳ томонидан ҳудудларга бориб ўрганиш ишлари олиб борилмоқда.
 
 Тасдиқланган жадвалга асосан 2017 йил 6 декабр куни ишчи гуруҳ аъзолари Андижон шаҳрига ташриф буюрдилар. Ишчи гуруҳ аъзоларини кутиб олиш ишлари юқори савияда ташкил этилди. Гуруҳ аъзоларини Андижон шаҳрида жойлашган “Наврўз” ўйингоҳи, вилоят футбол федерацияси офиси, Андижон шаҳар “Шўрбулоқ” даҳасида жойлашган футболга ихтисослаштирилган мактаб-интернати, “Соғлом авлод” ўйингоҳи, “Баркамол авлод” спорт мажмуаси ҳамда “Андижон” футбол клубининг фаолияти ҳамда амалга оширилаётган ишларни кўрсатиш мақсадида олиб борилди. Ўрганиш жараёнида ютуқлар билан бир қаторда айрим камчиликлар ҳам айтиб ўтилди. Ушбу камчиликларни бартараф этиш мақсадида вилоят футбол федерацияси томонидан чора-тадбирлар режаси ишлаб чиқилмоқда.
 
 Шунингдек ишчи гуруҳ аъзолари Андижон вилоятига қилган ташрифини якунлаб 2017 йил 7 декабрь тонгида Фарғона вилоятига кузатиб қўйилди.
 
 ИсломбекРустамбеков.