Ўзбекистон ампутантлар терма жамоаси Мексикадаги Жаҳон чемпионатида иштирок этади

Ушбу мусобақада амалдаги Жаҳон чемпиони Ўзбекистондан ташқари 23та терма жамоа иштирок этади.

Қуйида Жаҳон чемпионатида қатнашадиган барча жамоалар билан танишиб олинг: Ангола, Аргентина, Бельгия, Бразилия, Колумбия, Эл Салвадор, Англия, Франция, Гана, Гаити, Эрон, Ирландия, Япония, Кения, Либерия, Мексика, Голландия, Польша, Россия, Сиерра Леоне, Туркия, Украина, АҚШ, Ўзбекистон.



Мундиалнинг финал босқичига ҳали қуръа ташлаш маросими бўлиб ўтмади.

Маълумот учун, 2012 йил Россиянинг Калининград шаҳрида бўлиб ўтган Жаҳон чемпионатида 12та жамоа иштирок этганди.

Ўзбекистон терма жамоаси сўнгги учта Жаҳон чемпионатида тенгсиз бўлиб келмоқда. 2012 йилги мундиалда терма жамоамиз финалда Россияни таслим қилиб учинчи марта Жаҳон чемпиони бўлганди.