Ўзбек футболи 110 ёшда. Жиззахдаги тадбир давомида фахрийлар ҳолидан хабар олинди
01 apr 2022 14:24
News

Ўзбек футболи 110 ёшда. Жиззахдаги тадбир давомида фахрийлар ҳолидан хабар олинди

Айни дақиқаларда Жиззахда ўзбек футболининг 110 йиллигига бағишланган бир қатор тадбирлар давом этмоқда.

Дастурдан ўрин олган Жиззах футболи фахрийларидан хабар олинмоқда. Дастлаб 83 ёшни қарши олган Баҳром Сиддиқов хонадонида меҳмон бўлиб эсдалик совғалари топширилди. Фахрийимиз вилоят футболи ҳақидаги хотиралари билан ўртоқлашди. Кейинги манзил Наримон Абибуллаевники бўлди. Таниқли футболчи, бугунги кунда Жиззах футбол академиясида дарс бераётган Дилявер Абибуллаевнинг отаси ҳисобланган Наримон акага ҳам совғалар тақдим қилинди. Ўз вақтида Жиззах футболининг тамал тошини қўйиб берган шахслардан бири ҳисобланади. Жасур Ҳасанов, Андрей Власичев каби юлдузларни кашф этилишида Наримон Абибуллаевнинг ҳиссаси катта ҳисобланади.