Ўйинни тугатмай, майдонни тарк этган Косово терма жамоасига УЕФА томонидан техник мағлубият ёзилди

Косово терма жамоаси футболчилари Руминияга қарши Миллатлар лигаси баҳси вақтида майдонни тарк этганди. Воқеа асосий вақтга қўшиб берилган дақиқалар пайтида содир бўлганди. Косово ва Руминия терма жамоаси футболчилари ўртасидаги жанжалдан сўнг мухлислар "Сербия, Сербия!" деб бақириб, майдонга буюмлар ота бошлашганди. Косово футболчилари руминиялик мухлисларнинг ўзини тутишидан норози эканликларини айтиб, майдонни тарк этишганди. 

УЕФА бу иш учун Косово терма жамоаси 0:3 ҳисобидаги техник мағлубият ёзишга қарор қилди ва жамоани 6 минг евро жаримага тортди. Руминия футбол федерацияси эса мухлисларнинг хатти-ҳаракатлари сабаб 128 минг евро жаримага тортилди. Руминия мухлислари стадионда таҳқирловчи қўшиқлар куйлаш, майдонга буюмлар улоқтириш, пиротехника воситаларидан фойдаланиш ва яна бир қатор ҳуқуқбузарликларда айбланди. 

Бундан ташқари, Руминия терма жамоаси кейинги учрашувини мухлисларсиз ўтказади.

Мухлислар сабаб Косово терма жамоаси ўйинни тугатмай, майдонни тарк этди

Косово футболчилари Руминия билан ўйиндан сўнг кийиниш хонасига бир уюм чиқинди ташлаб кетишди