Остон Ўруновнинг "Спартак"даги дебюти ҳақида сиз билишингиз керак бўлган барча нарса
30 aug 2020 13:08
News

Остон Ўруновнинг "Спартак"даги дебюти ҳақида сиз билишингиз керак бўлган барча нарса

Россия премьер-лигасининг 6-турида "Спартак" ўз майдонида Туланинг "Арсенал" клубини қабул қилиб 2:1 ҳисобида ғалабага эришди.

Баҳс тақдири биринчи таймнинг ўзида ҳал бўлди. "Спартак" Александр Соболев ва Самуэль Жигонинг голлари эвазига 2:1 ҳисобида ғалабага эришди.

Spartak Moscow

Aleksandr Sobolev - 41', Samuel Gigot - 45'

Premier League . Round 6

29/08/2020, 20:00

Finished

Arsenal Tula

Daniil Khlusevich - 36'

Stadium: Otkrytiye Arena

45'

90'

Open in Match Center

Биз учун муҳим воқеа иккинчи таймда содир бўлди. Баҳснинг 69-дақиқасида Гус Тиль жароҳат олгач унинг ўрнига ўзбекистонлик ярим ҳимоячи Остон Ўрунов майдонга тушди.

69’ Урунов выходит вместо Тиля! Поздравляем Остона с дебютом за «Спартак»!#СпартакАрсенал pic.twitter.com/bRowU5iSaT — ФК «Спартак-Москва» (@fcsm_official) August 29, 2020

Бошида Ўрунов бир неча бор кутилмаганда тўп йўқотди. Буни ҳаяжон билан боғлаймиз. Бироқ умуман олганда ҳамюртимиз "Спартак" таркибидаги илк ўйинида ёмон ўйнагани йўқ. Буни рақамлар ҳам айтиб турибди.

Остон Ўрунов "Спартак" сафидаги дебют учрашувида майдонда 25 дақиқа ҳаракат қилди ва 16 бор шерикларига тўп узатишни амалга оширди. Уларнинг барчаси (!) аниқ бўлди. Бир бор рақиб Остонни йиқитди ва "Спартак" жарима тўпига эга бўлди. Уч марта Ўрунов тўпни олиб қўйди ва 12 бор яккакурашга киришди. Шундан 6тасида ғолиб бўлди. Остон 7 марта тўп билан рақибни ортда қолдириб олдинга ўтишга ҳаракат қилди, бу ҳаракатларнинг 71 фоизи муваффақиятли чиқди.

Ўйиндан кейинги матбуот анжуманида айни пайтда Москва шаҳрида бўлиб турган сайтимиз асосчиси Гайрат Хасбиуллин "Спартак" устозига Остон Ўруновнинг дебюти ҳақида қандай фикрдасиз деб савол берди. Бош мураббий унга қуйидагича жавоб берди:

"Остон бугун яхши дебют қилди. Бошида у бироз ҳаяжонлангани сезилди. Бу табиий ҳол, бундай катта клубда, катта стадионда, кўплаб мухлислар қаршисида, керак бўлмаган жойларда бир неча бор тўп йўқотди. Кейинроқ ўз ўзига келди. У ҳали ёш эканлигини унутманг, жамоага ҳам, биз намойиш этаётган ўйинга ва тактикамизга мослашиши керак. Унга ҳеч қандай босим қилинмаяпти. Ёш футболчига босим қилмаймиз ҳам. Ишлашда давом этамиз ва барчаси яхши бўлади деб умид қиламиз".

Остон Ўрунов ҳам учрашувдан кейин микст-зонада саволларга жавоб берди. Қуйидаги видеода бироз тортинчоқ бўлган ҳамюртимиз рус тилида ҳамон у қадар яхши сўзлаша олмаётганини кўриш мумкин. Бироқ бу нарса тезда ўтиб кетишига ва худди майдонда бўлгани каби рус тилида ҳам эркин сўзлаша олишига умид қиламиз.

Энди Россия чемпионатида ФИФА кунлари муносабати билан қисқа танаффус юзага келади. "Спартак" навбатдаги ўйинни 12 сентябрь куни Москва дербиси доирасида ЦСКАга қарши ўтказади.