Latest news

10:28Испания термасида Албанияга қарши учрашув олдидан катта йўқотиш  1 10:00Месси бир йўлла иккита рекордни ўрнатди  15 09:32Рашидов Португалиядаги фаолияти нима учун узоққа бормаганини тушунтириб берди  2 09:05Спаллетти Испаниядан учралган мағлубиятдан сўнг нималар деди?  1 08:38Евро-2024. Кечаги учрашувларда кимлар «man of the match» соҳибига айланди  1 08:12Сардор Рашидов фаолияти давомида энг катта гонорари қанча бўлганини маълум қилди  6 07:45Суперлига. Бугун турнинг навбатдаги марказий учрашуви бўлиб ўтади  11 07:06Месси бошчилигидаги амалдаги чемпионлар Канадани ишончли тарзда мағлуб этиб, Копа Американи ғалаба билан бошлади  21 03:39Самвел Бабаян: "Кунига 24 соат ишлаяпмиз, лекин нимадир етишмаяпти"  46 03:02Жамшид Саидов: "Биринчи даврадан сўнг кучайишимиз аниқ"  5 02:25Евро-2024. Испания - Италия 1:0, автогол ўйин тақдирини ҳал қилди  1 02:00Евро-2024. Испания Италияни ҳақли тарзда мағлуб қилиб, плей-офф йўлланмасини нақд қилди!  26 01:19"Реал" ой сўнгида эркин агентга айланадиган "Ювентус" футболчисига қизиқиш билдирмоқда  1 00:42Пиоли Бенземанинг мураббийига айланиши мумкин  0 00:15Мбаппе ниқоби туфайли Нидерландияга қарши ўйинни ўтказиб юбориши мумкин  3

Остон Ўрунов - Европа лигаси мақсади, Самвел Бабаян, "Локомотив"да пайдо бўлган одати ва бошқалар ҳақида News

Остон Ўрунов - Европа лигаси мақсади, Самвел Бабаян, "Локомотив"да пайдо бўлган одати ва бошқалар ҳақида

"Уфа" таркибида ўйнаётган ҳамюртимиз Остон Ўрунов клуб расмий сайтига интервью берди. Унда футболчи жамоа билан олдига катта мақсадларни қўйганини айтиб ўтди.

- Барчаси яхши. Шарт-шароитлар, ҳамма нарса мени қаноатлантиряпти. Жамоадошларим мени яхши қабул қилишди. Бош мураббий ҳам жуда яхши. Унинг ўзи собиқ футболчи бўлгани учун барчасини тушунтира олади. Бу ерда мен энг яхши футболчига айланмоқчиман.

- 20 кун давомида йиғинлар бўлди. Шундай катта танаффусдан кейин Сиз жисмоний юкламаларни қабул қилишда қийналмадингизми?
- Ҳа, қийин бўлди, бироқ чидадик. Чунки ҳозир қийин бўлса, кейинчалик расмий ўйинларда кўп нарсаларда енгиллик сезамиз.

- Нима сабабдан карантин даврида Ўзбекистонга кетмасдан, бу ерда қолдингиз?
- Учиб кетишга кечикдим. Кейинчалик йўллар ҳам ёпилди. Шундан кейин шу ерда қолишга қарор қилдим.

- Уйда ўтириш қийин бўлмадими? Умуман олганда, нималар билан банд бўлдингиз?
- Жуда ҳам зерикарли бўлди. Ўзим машғулот қиламан, қўшиқ эшитаман, "PlayStation" ўйнайман.

- Ўзбекистонни соғиняпсизми? Телефон орқали кимлар билан кўпроқ гаплашиб турибсиз?
- Ота-онам билан ҳар куни гаплашаман. Ўзбекистонда ҳам асосан улардан узоқда яшардим ва бунга кўникиб қолганман. Етти йил бўлди бунга.

- Чемпионатнинг қолган қисмида бизни нималар билан хурсанд қилмоқчисиз?
- Ўйиннинг кўплаб жиҳатларига кўра, ўзимни кўрсатиш ниятим бор. Тўғрисини айтсам, "Уфа" таркибида Европа лигасида ўйнамоқчиман. Худо хоҳласа, ниятимга эришаман.

- Энди кичик саволларга ўтамиз. Тезкор савол-жавоб!
- Бошладик!

- Йиғинлардаги хонадошингиз.
- Юрий Емельянов.

- У билан бирга яшаш қийин эмасми?
- Йўқ, у яхши йигит ва жамоадош.

- Жамоадаги қайси футболчи билан кўпроқ мулоқотда бўласиз?
- Барча футболчилар билан деярли бир хил. Аммо жамоанинг легионерлари менга кўп нарсаларни ўргатишмоқда.

- Коронавирусдан қўрқасизми?
- Йўқ. Бу умуман қўрқинчли эмас.

- Россия совуқми?
- Ҳа, совуқ.

- Ҳозир-чи?
- Чидаса бўлади.

- Ўзбекистонда ҳаво қандай?
- У ерда 40 даража иссиқ.

- Шу 40 даражани нормал ҳолатда қабул қиласизми?
- Йўқ, бу жуда ҳам иссиқ.

- ЦСКАга қарши ўйин вақтида жуда ҳам совуқ бўлганди.
- Ўйинда музлаб қолганман десам ҳам бўлади.

- Исиниш учун нима қилдингиз?
- Совуқлигидан ҳеч нима қила олмадим.

- Энг севимли ўзбек таоми.
- Палов.

- Уфада ушбу таомни еб кўрдингизми?
- Ҳа, лекин унчалик ёқмади. Бироқ бир дўстим бор, у ош қилишни қойиллатади.

- Сирларингиз борми?
- Қандай?

- Масалан, ош қилишда.
- Тўғриси, ош қилишни билмайман.

- Ўзбек тилидаги энг чиройли сўз қайси?
- Бундай сўзлар кўп. Аммо биз "ажойиб" сўзини кўп ишлатамиз.

- Майдонда жамоадошларингиз сизга қарата "ажойиб" сўзини ишлатишадими?
- Албатта. Агарда биз бир рақибни алдасак ёки чиройли хатти-ҳаракатларни амалга оширсак, шу пайтда беихтиёр "ажойиб" сўзи тилимиздан чиқиб кетади. Бу одат "Локомотив"га ўтганимда пайдо бўлди десам адашмаган бўламан.

- Ўзингизнинг энг яхши футбол сифатингиз ҳақида нима дея оласиз?
- Атрофимдагилар менга дриблингим яхши эканлигини айтишади.

- "Краснодар"га қарши ўйинда Зидан услубидаги финтингизни кўрдик. Буёғига бундан ортиғини кутсак бўладими?
- Ҳозирда финтлар борасида ҳам ишлаяпман. Бунинг самарасини ўйинда кўрсатаман.

- Рус тилида унчалик ёмон гапирмаяпсиз. Рус тилини шу ерга келиб ўргандингизми ёки Ўзбекистонда гаплашиб юрармидингиз?
- Ҳа, мактабда рус тилини ўқиганман. Шунингдек, мураббийим ҳам рус бўлган. Канчельскис, Самвел Бабаян билан ҳам бирга ишладим.

- Самвел Бабаян қандай мураббий?
- Яхши мураббий, психолог. Футболдаги ҳамма нарсани яхши тушунади. Барчага бирдек ёрдам беради. "Локомотив"да ҳам менга катта далда бериб турганди. Одамнинг кўзига қараб, биттада нималар кераклигини билиб олади.

- Ҳозир у қаерда ишлаяпти?
- Хитойда "Чанчунь Ятай" бошқарувини ўз қўлига олган.

- Ажойиб, бу унинг мураббийлигидаги ўсиш бўлса керак.
- Ҳа, унинг олдига катта мақсадлар қўйилган. У жамоани юқори лигага олиб чиқиши керак.

Rating: +35   

Comments

championat.asia
< show latest news
Яндекс.Метрика