Осиё хабари: Ироқ Осиё Кубогига бориш учун бор кучни ишга солади

Шу куни Ироқ термаси ўз майдонида Хитойни қабул қилади.

Айни пайтда бу жамоалар кураш олиб бораётган гуруҳда Саудия Арабистони муддатидан аввал қитъа биринчилиги йўлланмасини қўлга киритиб бўлган. Хитой 8 очко билан иккинчи, Ироқ эса 6 очко тўлаган ҳолда учинчи ўринни эгаллаб турибди. Ироқликларнинг Осиё чемпионатига бориши учун уларга фағат ғалаба керак бўлади.

Терма жамоа бош мураббийи Ҳаким Шакир маҳаллий мухбирларга интервью берар экан, Ироқ Осиё Кубоги йўлланмасини қўлга киритиши учун бор кучни ишга солишини айтиб ўтди:

“Биз Хитойдан бор-йўғи икки очко ортда қоляпмиз. Уларда яқинда мураббий алмашди, француз Алан Перрин жамоани қабул қилиб олди. Ўз майдонимизда ғалаба қозонсакгина йўлланмани қўлга киритамиз. Буни барча жуда яхши тушуниб турибди. Аввалги ўйинда Хитойдан мағлубиятга учрагандик. Лекин унда терма жамоа бош мураббийи мен эмасдим. Энди бўлса вазиятни тубдан ўзгартирмоқчимиз”.