"Осиё ўйинларида ёши катта футболчиларга эхтиёж йўқ" — Тимур Кападзе

- Қуръа ва тақвимга муносабатингиз...

- Қуръа жараёнини кузатиб бордик. Осиё ўйинларида бизга Осиё Кубоги саралашидаги рақиблар тўқнаш келадиган бўлди, фақат Эрон ўрнига Сурия тушди. Осиё ўйинларига қайси ёш тоифасидаги таркиб боришини вақт кўрсатади. Осиё Кубоги саралаш босқичида уларни кўздан кечирамиз. Осиё ўйинларидан аввал Осиё Кубоги саралашига астойдил тайёргарлик кўрамиз.

- Осиё ўйинларига тайёргарлик режаси тасдиқландими?

- Биринчи навбатда, уйимизда ўтадиган Осиё чемпионати саралашига ҳозирлик кўришни режа қилганмиз. Бу мусобақа Осиё ўйинлари учун тайёрларлик вазифасини ўтайди.

- ОЧЛдаги клубларимиз ўз футболчиларини қўйиб юбормасликлари мумкин. Бу борада қийинчиликка дуч келмайсизми?

- Ҳа, ФИФА кунларига тўғри келмаяпти. Буни клублар билан маслаҳатлашган ҳолда, биргаликда ҳал этамиз. Клубларга ким керак, бизга ким керак, қараб чиқамиз. Муаммо бўлмаса керак. Жамоалар билан ушбу масалага ечим топамиз.

- Осиё ўйинларига 3 нафар ёши катта футболчини қўшишингиз мумкин. Бу имкониятдан фойдаланасизми?

- Ёши катталарни қўшмаймиз. Олдиндан кейнгайтирилган таркибни берганмиз. Бу каби мусобақаларга 4-5 ой олдин рўйхат сўрашади. Унда ёши катталар йўқ, фақат олимпиячилар бор. Катта футболчиларга эҳтиёжимиз йўқ. 

Аввалроқ Ўзбекистон термасининг Ҳанчжоу-2022 Осиё ўйинларидаги рақиблари маълум бўлган эди.